- सरकारने आता बसमध्ये सिटवर लिहलेला "आमदारांसाठी राखीव" हा शब्द कायमचा काढून टाकला तरी चालेल......
सोलापूर,दि 31 जुलै 2021 : एसटी महामंडळाच्या बसमध्ये समोरील काही सीट्स महिलांसाठी व आमदारांसाठी राखीव असतात... आमदारांसाठी राखीव असलेल्या सिट्सचा वापर सुरवातीला काही आमदारांकडून होत होता परंतु भ्रष्टाचाराने काळ्या झालेल्या हातात जसजसा पैसा जमत गेला तसतसा त्यांनी पब्लिक ट्रान्सपोर्ट च्या वापराऐवजी आपले स्वतः चे वाहन ( कार) वापरणे योग्य समजले.... परंतु एक व्यक्ती अगदी शेवटच्या क्षणापर्यंत पाय जमिनीवर घट्ट रोवून उभा होता.... आमदारांपैकी एसटी बसचा उपयोग सर्वात जास्त महाराष्ट्रात च नाही तर देश पातळीवर जर कोणी केला असेल तर तो म्हणजे गणपतराव देशमुख यांनी.... म्हणून
आजपर्यंतच्या महाराष्ट्रातील हा सर्वात बोलका फोटो....
म्हणून त्यांच्या निधनाने मुल्याधिष्ठित राजकारण करणारा तसेच सार्वजनिक जीवनात नीतिमत्ता हाच आदर्श मानणारा लोकप्रतिनिधी पडद्याआड गेला आहे. ....राजकीय, सामाजिक व सांस्कृतिक कार्यकर्त्यांना प्रोत्साहन देणारा मार्गदर्शक दीपस्तंभ अंधारात नाहीसा झाला आहे. सतत अकरा (११) वेळा निवडणूक जिंकणारे तसेच महाराष्ट्राच्या राजकारणातलं अजातशत्रू व्यक्तिमत्व म्हणून गणपतराव आबा यांचे नाव कायम स्मरणात राहील....
या कोलांटउड्याच्या जगात आबांनी आपल्या संपूर्ण कारकिर्दीत ध्येयनिष्ठा, पक्षनिष्ठा याला केव्हांच गालबोट लागू दिले नाही..... यशवंतराव चव्हाण नंतर महाराष्ट्राच्या राजकीय, सामाजिक चळवळीतला सुसंस्कृत चेहरा म्हणून गणपतराव एकमेव आहेत....
आबांना भावपूर्ण श्रद्धांजली
कोणत्याही टिप्पण्या नाहीत:
टिप्पणी पोस्ट करा