प्रेस नोट
दि.१७/०२/२०२१
आरोपी लोकसेवक नरसिंह सर्वोत्तमराव पैठणकर, आरोग्य अधिकारी, वर्ग-१, घन कचरा व्यवस्थापन विभाग, महानगरपालिका अहमदनगर यांना २,५०,०००/- रुपयांची लाच स्विकारतांना रंगेहाथ पकडले.
प्रस्तुत बातमीतील हकीगत अशी की, तक्रारदार यांची अहमदनगर महानगरपालिका येथे मृत जनावरांचे दाहीनीचा प्रोजेक्ट असून त्या प्रोजेक्ट संदर्भात NEERI ने त्रुटी काढल्या आहेत असे सांगून त्या दूर करून तक्रारदार यांचे राहीलेले बील काढण्यासाठी आरोपी लोकसेवक नरसिंह सर्वोत्तमराव पैठणकर, वय-४७ वर्ष, आरोग्य अधिकारी, वर्ग-१, घन कचरा व्यवस्थापन विभाग, महानगरपालिका, अहमदनगर यांनी तक्रारदार यांना ५.००,०००/- रुपये सांगुन दि.११/२/२०२१ रोजी पंचासमक्ष तडजोडअंती २,५०,०००/- रुपये लाचेची मागणी केली होती.
आरोपी लोकसेवक पैठणकर यांनी पंचासमक्ष तक्रारदार यांच्याकडे लाचेची मागणी केल्याचे निष्पन्न झाल्याने दि.१७/२/२०२१ रोजी सकाळी पोलीस उप अधीक्षक हरिष खेडकर, लाचलुचपत प्रतिबंधक विभाग, अहमदनगर व पोलीस निरीक्षक किरण रासकर, पोलीस निरीक्षक मृदुला नाईक, लाचलुचपत प्रतिबंधक विभाग, नाशिक यांनी संयुक्तपणे यशस्वी सापळा कारवाईचे आयोजन करून आरोपी लोकसेवक नरसिंह सर्वोल्मराव पैठणकर यांना सावेडी कचरा डेपो, अहमदनगर येथे पंचासमक्ष तक्रारदार यांचेकडून २,५०,०००/- रुपये लाचेची रक्कम स्वीकारल्यानंतर रंगेहाथ पकडण्यात आले आहे. आरोपी लोकसेवक पैठणकर यांचेविरुध्द तोफखाना पो.स्टे. येथे गुन्हा दाखल करण्याची प्रक्रिया सुरु आहे. सदर गुन्हयाचा पुढील तपास पोलीस उप अधीक्षक हरिष खेडकर, लाचलुचपत प्रतिबंधक विभाग, अहमदनगर हे करीत आहेत.
सदर सापळा कारवाई ही मा सुनिल कडासने, पोलीस अधीक्षक, लाचलुचपत प्रतिबंधक विभाग, नाशिक परिक्षेत्र, नाशिक व मा निलेश सोनवणे, अपर पोलीस अधीक्षक, लाचलुचपत प्रतिबंधक विभाग, नाशिक परिक्षेत्र, नाशिक यांच्या मार्गदर्शनाखाली संयुक्तपणे लाचलुचपत प्रतिबंधक विभाग, अहमदनगर कडील पोलीस उप अधीक्षक हरिष खेडकर, पोलीस निरीक्षक किरण रासकर, पोलीस निरीक्षक मृदुला नाईक, पोहेका मोरे, पोहेकॉ गोसावी, पोहेकॉ कुशारे व चालक पोकॉ पवार, लाचलुचपत प्रतिबंधक विभाग, नाशिक यांचे पथकाने केली आहे.
कोणीही लोकसेवक सर्व सामान्य जनतेला त्यांचे काम करून देण्यासाठी लाचेची मागणी करत असेल तर त्यांनी लाचलुचपत प्रतिबंधक विभाग कार्यालय, अहमदनगर येथे खालील दूरध्वनी क्रमांकावर संपर्क साधावा असे आवाहन पोलीस उप अधीक्षक हरिष खेडकर यांनी केले आहे.
कार्यालयाचा पत्ता
पोलीस उप अधीक्षक कार्यालय, जिल्हा मध्यवर्ती प्रशासकिय इमारत, टि.व्ही. सेंटरसमोर, सावेडी, अहमदनगर
फोन नंबर
०२४१-२४२३६७७
टोल फ्री नंबर
१०६४
पोलीस उप अभीक्षक, लाचलुचपत प्रतिबंधक विभाग,
अहमदनगर
✍️✍️✍️
संजय ब्रम्हानंद पा चिखले
7767912933
👇ब्लॉग वरील सर्व बातम्या पाहण्यासाठी येथे क्लिक करा
