नांदेड : नायगाव तालुक्यातील कार्ला येथील तरूण संजय वडजे ( वय २७ ) शेतीत फारसे उत्पन्न निघत नसल्याने नांदेडात उदर निर्वाह निमित्ताने आला होता.तो खाजगी दुकानात नोकरी करून कसा बसा पोट भरत होता.त्यात त्याचा विवाह झाला, त्याला दोन मुली झाल्या. विवाहानंतर पती-पत्नी दोघे मेहनत करून संसाराचा गाडा चालवित होते.सर्व काही आनंदात चालले होते. पण देवाची नजर या सुखी संसारावर पडली असावी.संजय वडजे याला पोटाचा आजार झाला.
त्यावर विविध रूग्णालयात उपचार करण्यात आले.तो एक प्रामाणिक तरूण होता.तो कोणाचे मन दुखवत नसे.संजय हा आमच्या परिवारातील सदस्य वाटायचा.त्याला कोणतेही व्यसन नव्हते ! तरी लिव्हरवर सूज आली,या आजारावर बराच खर्च झाला. पण उपयोग झाला नाही. म्हणतात ना ! जो आवडे सर्वांना तोचि आवडे देवाला.त्याप्रमाणे संजयचे निधन झाले.संजयच्या सर्व चाहत्यांना धक्का बसला.पत्नीसमोर दोन मुलीला घेवून आयुष्य कसे काढावयाचे? याची चिंता आहे. संजय परिवाराला मी माझा व परिवार चांगला परिचित असल्याने नांदेडच्या साईप्रसादकडे या कुटुंबाला स्वत:च्या पायावर उभे राहण्यासाठी मदत करावी अशी विनंती केली.
प्रा. अनंत मान्नीकर यांनी यासाठी पुढाकार घेतला. साई प्रसाद या सेवाभावी संस्थेकडे प्रस्ताव पाठविला गेला. त्यानंतर या सेवा भावी संस्थेने शिलाई, पिको फॉल मशीन,कपडे व नगदी सहा हजार रूयये मुलींना शाळेत प्रवेश घेण्यासाठी देण्यात आले.साई सेवा संस्थेची मदत देतांना संजयच्या कुटुंबाच्या डोळ्यात अश्रू आले. जे रंजले गांजले त्याशी म्हणे आपुले --- याप्रमाणे साई सेवाभावी संस्थेने स्व. संजय वडजे कुंटुंबाला आधार दिला आहे.
साईसेवा संस्था अनेक कुटुंबाला आर्थिक मदत देवून माणसूकीचे दर्शन घडवत असते.त्यांच्या कार्याला माझा मानाचा मुजरा.
कमलाकर जोशी ज्येष्ठ पत्रकार नांदेड.
कोणत्याही टिप्पण्या नाहीत:
टिप्पणी पोस्ट करा