गंगाखेड प्रतिनिधी :- राणीसावरगाव चे मंडळाधिकारी बालाजी लटपटे व वाघदरा चे सरपंच गोविंद सानप यांना बारा हजार पाचशे रुपयांची लाच घेताना लाचलुचपत प्रतिबंधक क्षेत्र परभणी या अधिकाऱ्यांनी रंगेहात पकडले आहे. ही कारवाई दिनांक २२ मार्च २०२१ रोजी बालाजी लटपटे यांच्या व्यंकटेश नगर येथील घरामध्ये करण्यात आली.
परभणी पथकाने सापळा रचुन सरपंच गोविंद सानप व मंडळाधिकारी बालाजी लटपटे यांना लाच स्वीकारताना पंचांसमक्ष रंगेहात पकडले आहे. यातील तक्रारदार यांनी वाघदरा शिवारामधील त्यांच्या आजोबा चे नावे असलेले जमिनीचा कोर्टाकडून झालेल्या तडजोडीचा फेरफार त्यांचे वडील व चुलते यांच्या नावे करून देण्यासाठी मंडळ अधिकारी व सरपंच त्यांच्याकडून १५ हजार रुपयांच्या लाचेची मागणी केली असता तडजोडी अंती बारा हजार पाचशे रुपये देण्याचे ठरले. ठरल्याप्रमाणे तक्रारदार यांनी गंगाखेड येथे मंडळाधिकारी यांच्या घरी गेले सरपंच गोविंद सानप यांच्या हस्ते मंडळाधिकारी लटपटे यांनी ते पैसे स्वीकारल्याने त्याच ठिकाणी परभणी लाचलुचपत प्रतिबंधक अधिकारी यांनी त्यांना सापळा रचून रंगेहात पकडले दोघांनाही रोख रक्कमेसह पोलिसांनी ताब्यात घेतले आहे. त्यांच्यावर गंगाखेड पोलीस ठाण्यात रात्री उशिरापर्यंत गुन्हा नोंद करण्याची प्रक्रिया चालू होती.
ही कारवाई श्रीमती कल्पना बारवकर पोलीस अधीक्षक नांदेड, श्रीमती अर्चना पाटील अप्पर पोलीस अधीक्षक नांदेड यांच्या मार्गदर्शनाखाली पोलीस उपअधीक्षक भारत के हुंबे ,पोलीस निरीक्षक अमोल कडू ,पोलीस नाईक अनिल कठारे ,अनिरुद्ध कुलकर्णी ,सचिन धबडगे, जाहगीरदार, हनुमंते, शेख मुखीत, माणिक चट्टे, शेख मुख्तार,सरीका टेहरे,कदम,चौधरी ए सि बी परभणी यांनी कारवाई यशस्वी पार पाडली.
✍️✍️✍️
संजय ब्रम्हानंद पा चिखले मरवाळीकर
7767912933
बातमी व जाहिरातीसाठी संपर्क साधावा.
सापळा कारवाई अहवाल स्पेशल ब्लॉग
👇ब्लॉग वरील सर्व बातम्या पाहण्यासाठी येथे क्लिक करा
कोणत्याही टिप्पण्या नाहीत:
टिप्पणी पोस्ट करा