निर्मल विद्यालयाच्या विद्यार्थ्यांना यावर्षी फीसमध्ये ९० टक्के सवलत
नांदेड,(दि. १४ फेब्रुवारी) : कोरोनाच्या संकटात शाळा बंद असल्या तरीही पूर्ण फीस शाळेला भरण्याचे आदेश सुप्रीम कोर्टाने देऊन पालकांवर अन्याय केला असला तरीही नांदेड येथील नामांकित व शिक्षण क्षेत्रात गुणवत्तापूर्ण शिक्षण देणाऱ्या नांदेड जिल्ह्यातील मेंढला तालुका अर्धापूर बेथील निर्मल विद्यालय प्राथमिक ते उच्च माध्यमिक आणि निर्मल स्कूल इंग्लिश मीडियम च्या विद्यार्थ्यांना २०२० - २१ या वर्षांत फी मध्ये ९० टक्के सवलत देऊन
समाजाप्रति ऋण व्यक्त केले आहे. कोरोनामुळे देशात आर्थिक आणीबाणी सदृश्य परिस्थिती निर्माण झाली आहे हाताला काम नसल्यामुळे जनतेवर उपासमारीची वेळ आली आहे. अशा बिकट परिस्थितीत विद्यार्थ्यांचे
हित व पालकांची परिस्थिती लक्षात घेऊन मराठवाड्यात शिक्षण क्षेत्रात गेल्या दोन दशकापासून निर्मल हॉस्टेल या संस्कार केंद्राच्या नावाने विद्यार्थ्यांच्या सर्वांगीण विकासासाठी सदैव प्रयत्नशील असणारे निर्मल विद्यालयाचे संस्थापक अध्यक्ष राजेश्वर पालीमकर यांनी सर्वच विद्यार्थी पहिली ते दहावीपर्यंत संपूर्ण वर्याची ९० टक्के फीस माफ आणि गरीब विद्यार्थ्यांची पूर्ण फीस माफ करून समाजात एक आदर्श निर्माण केला आहे.
पूर्ण राज्यात आज शाळेकंडून पूर्ण फीस वसूल करण्यासाठी सक्ती केली जात असतानाच निर्मल विद्यालयाने विद्यार्थ्यांची ९० टक्के फीस माफ करून पूर्ण राज्यातील शिक्षण क्षेत्रात एक सामाजिक आदर्श घालून दिला
आहे. शाळा म्हणजे फक्त पैसा कमविण्याचे साधन नसून संस्कारक्षम पिढी घडविण्याची मंदिरे आहेत. या मंदिराबद्दल चुकीचा संदेश जाऊन गोरगरीब पालकांच्या मनात शाळेबद्दल तिरस्कार निर्माण होऊ नये तर आदरच राहावा, या उदात्त भावनेतून कामकरणाऱ्या निर्मल विद्यालयाचा हा आदर्श राज्यातीलच नव्हे तर देशातील शिक्षण संस्था चालकांनी घेतल्यास शिक्षण क्षेत्राबद्दल जनतेच्या मनातील विचार ही निश्चितच बदलेल.
त्यांच्या या निर्णयाचे कौतुक होत असून विचारवंत प्रा. डॉ अनंत राऊत, मनोहर बंडेवार, भीमराव हत्तीअंबीरे रामराव सुर्यवंशी शिक्षण तज्ञांनी व सामाजिक क्षेत्रातील सर्वच लोकांनी त्यांचे कौतुक केले आह.
✍️✍️✍️
संजय ब्रम्हानंद पा.चिखले
7767912933
बातमी व जाहिरातीसाठी संपर्क साधावा.
👇ब्लॉग वरील सर्व बातम्या पाहण्यासाठी येथे क्लिक करा
कोणत्याही टिप्पण्या नाहीत:
टिप्पणी पोस्ट करा