नायगाव तालुका मराठी पत्रकार संघाच्या अध्यक्ष पदी नागेश पाटील कल्याण यांच्या निवडीचा सेवा सहकारी सोसायटीचे चेअरमन प्रदीप पाटील कल्याण यांच्यासह बालाजी बोरवेलचे मालक राजीव पाटील व मुद्रांक विक्रते यशवंतराव पाटील यांच्या संयुक्तविद्यमाने सत्कार सोहळ्याचे आयोजन

 

नायगाव,दि २६ ऑगस्ट २०२१ : तालुका मराठी पत्रकार संघाच्या निवडीचा पदाधिकारी पत्रकार बांधवांचे नायगावच्या सेवा सहकारी सोसायटीचे चेअरमन प्रदीप पाटील कल्याण यांच्यासह बालाजी बोरवेलचे मालक राजीव पाटील व मुद्रांक विक्रते यशवंतराव पाटील यांच्या संयुक्तविद्यमाने नूतन नायगाव तालुका मराठी पत्रकार संघाच्या निवडीचा भव्य सत्कार सोहळ्याचे आयोजन करण्यात आले असून संघटनेत पत्रकारितेच्या माध्यमातून अन्यायाला वाचा फोडणारे व समाजसेवेचे काम करणाऱ्या भारतीय राज्यघटनेच्या चौथा स्तंभ असलेल्या सर्व पत्रकार बांधवाच्या सत्कार सोहळ्याचे नायगाव येथील सेवा सहकारी सोसायटीच्या पटांगणात आयोजन करण्यात आले आहे.

तालुका मराठी पत्रकार संघाची निवड नुकतीच नायगाव येथील मिलिनियंम इंग्लिश स्कुल चे सभागृहात नायागांव तालुका मराठी पत्रकार संघांचे जेष्ठ पत्रकार विद्यमान बाळासाहेब पांडे, माजी अध्यक्ष माधव मामा कोकुर्ले, दैनिक सामनाचे तालुका प्रतिनिधी भूषणजी पारळकर साहेब, राजीव कुलकर्णी,एस.एम. मुदखेडकर साहेब, दैनिक गाववालाचे नायगाव तालुका प्रतिनिधी माधव चव्हाण, दैनिक प्रजावाणीचे पत्रकार विकास भुरे साहेब यांच्या नेत्रत्वाखाली मिलिनियंम इंग्लिश स्कुल येथे करण्यात आली होती या निवडी दरम्यान पत्रकार संघटनेच्या तालुका अध्यक्षपदी नागेश पाटील कल्याण यांची निवड करण्यात आली, सदरच्या निवडीच्या अध्यक्षासह उपाध्यक्ष, आणि कार्यकरणीतील पत्रकार बांधवाचा भव्य सत्कार सोहळा दिनांक २७ ऑगस्ट २०२१ रोजी दुपारी एक वाजता कारण्यात येणार आहे

नायगाव तालुका मराठी पत्रकार संघात काम करणाऱ्या विशाल पत्रकारानी नायगाव तालुका मराठी पत्रकार संघाच्या निवडीचा नायगावचे भूमीपुत्र सेवा सहकारी सोसायटीचे चेअरमन प्रदीप पाटील कल्याण यांच्यासह बालाजी बोरविलचे मालक राजीव पाटील व मुद्रांक विक्रते यशवंतराव पाटील यांच्या संयुक्तविद्यमाने आयोजित केलेल्या भव्य सत्कार सोहळ्याच्या कार्यक्रमाला सर्वांनी उपस्थित राहून सदरच्या आयोजकाचा सत्कार स्विकारावा असे आवाहन सेवा सहकारी सोसायटीचे विद्यामान चेअरमन प्रदीप पाटील कल्याण यांनी केले असून या सत्कार सोहळ्याच्या कार्यक्रमाला मोठया प्रमाणात मान्यवंराची उपस्थिती लाभणार असल्यामुळे सदरच्या कार्यक्रमाला पत्रकारानी उपस्थित राहावे असे आयोजकाने आवाहन केले आहे.

बरबडा येथे नायगाव तालुका मराठी पत्रकार संघाची ३१ ऑगस्ट रोजी महत्व पूर्ण बैठक

 

नायगाव,दि २६ ऑगस्ट २०२१ : तालुक्यातील मौजे बरबडा येथे नायागांव तालुका मराठी पत्रकार संघाची मंगळवार दिनांक ३१ ऑगस्ट २०२१ रोजी  सकाळी साडेअकरा  वाजता बैठकीचे आयोजन केंद्रीय प्राथमिक शाळा बरबडा येथील सभागृहात करण्यात आले आहे .तरी तालुक्यातील सर्व पत्रकार बांधवानी उपस्थित राहावे असे आवाहन बरबड्यातील पत्रकार बांधव यांच्या वतीने करण्यात आले आहे.

   तालुक्यातील पत्रकार बांधव यांची ग्रामीण पत्रकार बांधवाशी नाळ बांधली जावी व ग्रामीण पत्रकारांच्या समस्यांचा उलगडा व्हावा या उद्देशाने बरबडा  या ठिकाणी  मराठी पत्रकार संघांचे विद्यमान जिल्हा उपाध्यक्ष जेष्ठ पत्रकार बाळासाहेब पांडे यांच्या मार्गदर्शना खाली या बैठकीचे आयोजन करण्यात आले असून,  जेष्ठ पत्रकार माधव मामा कोकुर्ले,  भूषणजी पारळकर, एस एम मुदखेडकर , बालाजी नागठाणे, माधव चव्हाण, विठ्ठल अण्णा वडपत्रे, विकास भुरे, बी.आय.बडुरे सर,तालुका मराठी पत्रकार संघाचे नूतन विद्यमान अध्यक्ष नागेश पाटील कल्याण व सर्व पदाधिकारी यांची विशेष उपस्थिती बैठकीस राहणार आहे

 बैठकीत पहिल्या सत्रात मान्यवरांचे नूतन पदाधिकारी यांचे स्वागत व ओळख पत्र वाटप करण्यात येणार आहेत. तर दुसऱ्या सत्रात संघटनात्मक बांधणी विषयी जिल्ह्यातील जेष्ठ पत्रकारांचे मार्गदर्शन होणार असून , ग्रामीण पत्रकारां समोरील आवाहने या विशेष विषयावर विशेष चर्चा करण्यात येणार आहे. शेवटच्या सत्रात समारोपाचा कार्यक्रम होणार आहे.

    तरी या बैठकीला उपस्थित राहण्याचे, ता.उपाध्यक्ष गंगाधर ढवळे, बरबडा सर्कल प्रमुख चंद्रकांत सूर्यतळ,व सर्व पत्रकार बांधव बरबडा  यांच्या कडून आवाहन करण्यात आले आहे सर्व तालुक्यातील पत्रकार बांधवांनी वेळेवर उपस्थित राहणे अत्यंत आवश्यक आहे.असे ता प्रसिद्धी प्रमुख संजय चिखले यांनी कळविले आहे.

'तहसीलदार मॅडमचा मनमानी कारभार’, पारनेर महसूल कर्मचाऱ्यांचं कामबंद आंदोलन, ज्योती देवरे यांच्या अडचणी वाढल्या!

 

अहमदनगर : पारनेरच्या तहसीलदार ज्योती देवरे यांच्या अडचणी वाढू लागल्या आहेत. देवरे यांच्याविरोधात आता महसूल कर्मचारी आक्रमक झाले असून तालुक्यातील तलाठी आणि तहसील कर्मचाऱ्यांनी काम बंद आंदोलन सुरू केलंय. देवरे यांच्या दडपशाहीला कंटाळून हे आंदोलन सुरु केल्याचं कर्मचाऱ्यांनी म्हटलंय.

तहसीलदार ज्योती देवरे यांच्या अडचणी वाढल्या

विशेष म्हणजे यात महिला कर्मचारी देखील सहभागी झाल्या आहेत. तहसीलदार मॅडमच्या दडपशाहीला कंटाळून हे आंदोलन सुरु केल्याच कर्मचाऱ्यांनी सांगितलं आहे. तर देवरे यांच्या बदलीची मागणी करत एक तर त्यांची बदली करा नाहीतर आमची बदली करा असा पवित्रा महसूल कर्मचाऱ्यांनी घेतला आहे.

तहसीलदार देवरे या कर्मचाऱ्यांना विश्वासात न घेता मनमानी कारभार करत असल्याने कर्मचाऱ्यांनी बेमुदत आंदोलन सुरु केलंय. सकाळी 11 वाजेपासून कर्मचाऱ्यांनी हे आंदोलन सुरु केलंय. तालुक्यातील तलाठी, मंडळ अधिकारी आणि तहसील कर्मचाऱ्यांनी या आंदोलनात सहभाग घेतला आहे. तर मागण्या मान्य होईपर्यंत आंदोलन सुरु ठेवण्याचा इशारा यावेळी देण्यात आलाय.

लंके-तहसीलदार वादावर अण्णा हजारेंकडून भूमिका स्पष्ट

आमदार निलेश लंके आणि पारनेरच्या तहसीलदार ज्योती देवरे यांच्यातल्या वादावर ज्येष्ठ समाजसेवक अण्णा हजारे यांनी भाष्य केलं आहे. मला या दोघांच्याही भांडणात मध्ये पडायचं नाही पण तहसीलदार मॅडमला एवढंच सांगतो की आत्महत्येसारखा विचार बरा नाही, हा विचार डोक्यातून काढा, असा सल्ला त्यांनी तहसीलदार देवरे यांना दिला.

अहमदनगरमधील पारनेरच्या महिला तहसीलदार ज्योती देवरे यांनी लोकप्रतिनिधी आणि अधिकाऱ्यांकडून त्रास दिला जात असल्याचा आरोप करत आत्महत्या करण्याचा इशारा दिला होता. याबाबत त्यांची एक सुसाईट ऑडिओ क्लीप व्हायरल झाली होती. पारनेरचे आमदार निलेश लंके यांच्यासह वरिष्ठ अधिकाऱ्यांवर गंभीर आरोप महिला तहसीलदार यांनी केले होते.

नेमकं प्रकरण काय?

अहमदनगरमधील महिला तहसीलदार ज्योती देवरे यांनी लोकप्रतिनिधी आणि अधिकाऱ्यांकडून त्रासा दिला जात असल्याचा आरोप करत आत्महत्या करण्याचा इशारा दिला होता. याबाबत त्यांची एक सुसाईट ऑडिओ क्लीप व्हायरल झाली होती. पारनेरचे आमदार निलेश लंके यांच्यासह वरिष्ठ अधिकाऱ्यांवर गंभीर आरोप महिला तहसीलदार यांनी केले होते. त्यानंतर आमदार निलेश लंके यांनी “संबधित महिला तहसीलदार यांच्यावर काही दिवसांपूर्वीच गंभीर भ्रष्टाचाराचे आरोप लावण्यात आले आहेत. ज्यातून सुटण्यासाठी त्यांनी हा एक केविलवाना प्रयत्न केला आहे,” अशी प्रतिक्रिया देत सर्व आरोप फेटाळून लावले होते.