गडगा,दि.18 ऑगस्ट 2021 : कुटुंबाच्या समवेत घरी झोपलेल्या इयत्ता पाचवीत शिकणाऱ्या ११ वर्षीय विद्यार्थीनीचा झोपेत असताना पायाच्या अंगठ्याला विषारी साप चावल्याने शासकीय रुग्णालयात उपचारादरम्यान मृत्यू झाल्याची घटना १८ ऑगस्ट रोजी पहाटे घडली.या घटनेने मरवाळीत शोककळा पसरली आहे.
कु.प्रभावती राघोबा मुंडकर(वय ११ वर्षे)रा.मरवाळी ता.नायगाव असे सर्पदंशाने मृत्यू झालेल्या मुलीचे नाव आहे.सदरील विद्यार्थीनी गावातीलच जिल्हा परिषदेच्या शाळेत पाचव्या इयत्तेत शिकत होती.दरम्यान, नेहमीप्रमाणे कुटुंबियांसमवेत घरात झोपली असताना १७ ऑगस्टच्या मध्यरात्रीनंतर दोन वाजताच्या सुमारास प्रभावतीच्या पायाच्या अंगठ्याला विषारी सापाने दंश केला.त्याच वेळी तिने माझा पाय ओढल्यासारखे वाटत आहे असे वडीलांना सांगितले तेव्हा त्यांनी आजूबाजूला पाहिले असता अंथरूणाच्या जवळ उंदीरासारखा प्राणी चुचूंद्री दिसून आल्याने आई-वडीलांना काही झाले नसावे असे वाटले परंतु पंधरा विस मिनिटांनी मुलीला उलटी होत असल्याने उपचारासाठी मुखेडच्या उपजिल्हा रुग्णालयात दाखल केले तिथे उपचारादरम्यान पहाटे साडेतीन वाजण्याच्या सुमारास प्रभावतीचा दुर्दैवी मृत्यू झाला.उपजिल्हा रुग्णालयात शवविच्छेदन करून तिचा मृतदेह कुटुंबाच्या स्वाधीन करण्यात आला.
प्रतिभा ही शाळेतील गुणवान विद्यार्थीनी असल्यामुळे या घटनेची माहिती मिळताच जि.प शाळेच्या सर्व शिक्षकांनी प्रतिभाच्या घराकडे धाव घेतली.प्रतिभाला पाहून सर्व शिक्षकांना अश्रु आनावर झाले.कु.प्रभावती शाळेमध्ये अतिशय कुशाग्र बुद्धिमत्तेची व नम्र असल्यामुळे सर्व मित्र-मैत्रिणींना प्रिय होती.ती शालेय उपक्रमामध्ये नेहमी स्वयंस्फूर्तीने सहभाग नोंदवत असे.तिच्या या आकस्मिक निधनाने शाळेमध्ये व गावांमध्ये शोककळा पसरली असून एका चांगल्या विद्यार्थिनी ला आपण गमावल्याच्या भावना तिचे वर्ग शिक्षक श्री. गिरी एच.डी. श्री. नागेश्वर जी.पी.श्री. लोहकरे एन.बी श्री .पवार डी.जी. श्री. जाधव डी .टी.श्री. पवळे एम एच श्री. चेडगूलवार आर आर यांनी व्यक्त केले आहेत.
तिच्यावर आज सकाळी शोकाकुल वातावरणात मरवाळीत अंत्यसंस्कार करण्यात आले.