मिशन ब्रेक द चैनची अंमलबजावणी चालू असताना सहेली लेडीज एम्पोरियम नायगाव हे दुकान विनापरवानगी चालू ठेवून ते विक्री व्यवहार करीत असल्याचे आढळून आल्यामुळे दि.15.05.2021 रोजी नायब तहसीलदार नवनाथ वगवाड यांचे उपस्थितीत पाच हजार रुपयाचा दंड आकारण्यात आला आहे.या यावेळी नायगाव पोलीस स्टेशनचे पि.आय पडवळ,तलाठी राठोड, नगरपंचायतचे कार्यालयीन अधीक्षक संतराम जाधव, नगरपंचायतचे कर्मचारी बापुले, जाधव व नगरपंचायतचे इतरही कर्मचारी उपस्थित होते.
एवढा मोठा फौजफाटा घेऊन जाऊन ही कारवाई केल्यामुळे व्यापारी वर्गाचे नक्कीच धाबे दणाणले असणार यामध्ये तिळमात्र शंका नाही.भविष्यात अशा प्रकारे कोरोना नियमांचे उलंघन करुन या पुढे अशी जोखिम पत्करून कोणी दुकाने चालू ठेवून विक्री करण्याची हिम्मत करेल असे वाटत नाही.जरी कोणी नियम डावळून कोरोना पसरवण्याचा प्रयत्न केल्यास प्रशासन उत्तरोत्तर कारवाई करण्यात कुठेही कमी पडणार नाही अशी अपेक्षा ठेवायला हरकत नाही.नागरिकांनीही स्वत:ची काळजी घेणे आवश्यक आहे, खरेदी काय उद्याही करता येईल पण गेलेला जीव परत मिळार नाही याचेही भान ठेवून खरेदी साठी गर्दी न करणे महत्त्वाचे आहे.या कारवाई मुळे नागरिकांच्या भूवया उंचावल्या आहेत.सर्वत्र या कारवाईचे कौतुक होत असताना मात्र व्यावसायिकांमध्ये नाराजीचा सूर ऐकायला येत आहे.
कोणत्याही टिप्पण्या नाहीत:
टिप्पणी पोस्ट करा