विरार,दि 31 जुलै 2021 : बिर्याणीच्या ऑर्डरची ती ऑडिओ क्लिप हे षडयंत्र’म्हणा-या पुणे परिमंडळ 1 च्या DCP प्रियंका नारनवरेच्या विरुद्ध एका दत्तात्रय नाईक नावाच्या पोलीस कर्मचाऱ्याने चॅलेंज देत दुसरी ऑडिओ क्लिप व्हायरल केली आहे.
विरार येथील दत्तात्रेय काशिनाथ नाईक या पोलीस कर्मचाऱ्यांने व्हायरल केलेल्या ऑडिओ क्लिप मध्ये असे म्हटले आहे की,
"DCP सारख्या ज्या IPS मंडळी आहेत, जे स्वतःला पृथ्वीवरचे समजतच नाहीत,परग्रहावरुन कुठुनतरी आपण आलेले आहोत, खालच्या वर्गाचे जे दुय्यम दर्जाचे कर्मचारी आपले पारंपरिक गुलाम आहेत असे समजून चालतात वागतात.
आणि मग लिडरशिपच्या गोष्टी करतात,लिडरशिप म्हणून तुम्ही सौजन्याचा, प्रामाणिकपणाचा,कर्तव्यपरायणतेचा,सचोटिचा आदर्श तुम्हाला घालून द्यायचे असेल तर तुम्ही असं जेवण बिवण स्वतः साठी, आपल्या नव-यासाठी आणण्यासाठी अशी अधिनस्त कर्मचा-यांना तुम्ही मुळात आदेशच द्यायचे नाही.तुम्ही म्हणता की ते क्लिप हि इडिटिंग केलेली आहे थोडासा संवाद माझा आहे, म्हणजे असं आहे का? तुम्हाला फक्त मटन बिर्याणीच हवी होती, नंतर बोंबिल,नंतर सुप तुमचं एका ह्याच्यावरपण भागत नाही आहे हे अशी आणि तुम्ही शिस्त आणि कमांडिंगच्या आणि कंट्रोलिंगच्या नेतृत्वाच्या गोष्टी करता का तुम्ही? तुमच्यासारखं नेतृत्व लाभलय म्हणून तर सत्यानाश होत आलाय पोलीस डिपार्टमेंटचा,तुमच्या हातात पोलीसांचं भवितव्य दिलेलं आहे आणि तुम्ही स्वतःसाठी आपल्या नव-यासाठी जेवणं जेवणावळी मागवता आपल्या हद्दीतल्या हॉटेलवरुन आणि तुम्हाला एवढी पण शिस्त नाही की सोशल मिडियावर जे स्पष्टिकरण देताय ते तुमच्या वरिष्ठ अधिकाऱ्यांची परवानगी घेतली का? हे अशा प्रकारचं सोशल मिडिया वरती जर स्पष्टिकरण ची क्लिप एखाद्या तुमचा अधिनस्त पुलीस कर्मचारी देलता तर तेवढा त्याला शोकात तुम्ही दिली असती.तुम्हाला काय वाटतं तुम्ही मार्क्सवरुन आलेले आहेत का मंगळावरुन, काय बुधावरुन काय म्हणजे IPS म्हणजे काय? यशस्वीतेचं किंवा एकदम प्रामाणिकपणाचं अत्युच्च मानबिंदू आहे का? तुम्हीच तर असे खायचं एक आणि दाखवायचं एक करुन पोलीस खात्याला वेठिस धरलेलं आहे तुमच्या सारख्या अधिका-यांनी आणि आता उघड झालं तर बचावासाठी नको ते मुद्दे मांडताय तुम्हाला ब्लॅकमेल करतयं,काय ते पोलीस कॉन्स्टेबल तुम्हाला ब्लॅकमेल करणार आणि ते एवढे जर चोर आहेत, भ्रष्टाचारी आहेत त्यांनी हाहाकार माजवला होता, पंधरा पंधरा वर्षे ते एका ठिकाणी होते त्यांचं कंबर्ड तुम्ही मोडलं म्हणून तुमच्याकडे ते द्वेष भावनेनं,आणि बदला सुड भावनेने तुमच्यावर ते षडयंत्र रचत आहेत अशा नालायक माणसांना जेवण आणायला सांगता कशाला नव-यासाठी बिर्याणी साजूक तूपातली,काहीच वाटत नाही तुम्हाला असं स्पष्टीकरण देताना.आता तुम्हीही व्हायरल केली ना माझं नाव दत्तात्रेय काशिनाथ नाईक आहे.राहणार विरार हे घ्या हे ऐका तुम्ही जशी तुमची क्लिप व्हायरल झाली ती मी पण करतो ऐका.असे म्हणत स्वतः ची ऑडिओ क्लिप व्हायरल केली आहे."
पुण्यातील एका महिला पोलीस अधिकाऱ्याची ऑडिओ क्लिप चांगलीच व्हायरल होत आहे. या मॅडम मटण बिर्याणीची ऑर्डर आणायला आपल्या कर्मचाऱ्याला सांगत आहे. महत्वाची बाब म्हणजे त्यांना ही बिर्याणी फुकट हवी आहे. आपल्या हद्दीतील हॉटेलमध्ये पैसे देण्याची गरज काय? असंही त्या आपल्या कर्मचाऱ्यांना सांगताना या ऑडिओ क्लिपमध्ये ऐकायला मिळत आहे. ही ऑडिओ क्लिप व्हायरल होत असताना हा प्रकार गंभीर आहे. याची चौकशी करण्याचे आदेश आपण दिल्याची माहिती गृहमंत्री दिलीप वळसे-पाटील यांनी दिली आहे. त्यानंतर महिला पोलीस अधिकाऱ्यांयाने ऑडिओ क्लिप म्हणजे एक षडयंत्र असल्याचा आरोप टीव्ही 9 शी बोलताना केलाय.
DCP प्रियंका नारनवरेची व्हायरल ऑडिओ क्लिपवर प्रतिक्रिया
“अजून चौकशी झालेली नाही. माननीय गृहमंत्री साहेबांनी चौकशीचे आदेश दिलेले आहेत. त्यात जे सत्य आहे त बाहेर येईल. तसंच मी स्वत:ही तक्रार दाखल करणार आहे. चौकशी होऊ द्या. त्यातून सगळं कळेल. पोलीस विभागाची गरिमा राहावी म्हणूनच मी इथे आल्यापासून प्रामाणिकपणे काम करत आहे. जे चुकीचे लोकं होते त्यांना वठणीवर आणण्याचा प्रयत्न केला, सरळ करण्याचा प्रयत्न केला. जे चुकीचे प्रकार होत होते ते थांबवण्याचा प्रयत्न केला. त्यामुळे आज माझ्या नावाने हे व्हायरल केलं गेलं आहे. माननीय गृहमंत्रीसाहेब बोलले आहेत आणि चौकशी योग्यरितीने झाली तर ते शक्य होईल.”
‘प्रामाणिकपणे काम करणाऱ्यांना त्रास दिला जातो’
“माझ्या कार्यालयात काही कर्मचारी होते. त्यांना काढण्यासाठी मी पाऊल टाकलं होतं. त्यांचे भरपूर हितसंबंध होते, या गोष्टीमुळे वातावरण खराब होत होतं. म्हणून मी त्यांना पोलीस स्टेशनला परत पाठवलं. हे लोकं दुखावलेले आहेत. काही सिनिअर्सचा त्यांना पाठिंबा आहे. त्यांच्या मार्गदर्शनाखाली हे सगळं केलं गेलेलं आहे. हा एकप्रकारे मला गुंतवण्याचा प्रकार आहे. बदलीच्या वेळेलाच अशी गोष्ट का केली गेली. मी गृहमंत्र्यांना याबाबत माहिती देणार आहे. पोलीस विभागात काय सुरु आहे हे सगळ्यांना माहिती आहे. इथे प्रामाणिकपणे काम करणाऱ्यांना त्रास दिला जातो. मात्र, येणाऱ्या काळात ही परिस्थिती सुधारेल अशी अपेक्षा आहे. अशावेळी माध्यमांनीही सर्व बाबी तपासून अशा बातम्या देणं गरजेचं आहे,” असं मत महिला पोलीस अधिकाऱ्याने व्यक्त केलंय.
पुणे पोलीस दलात खळबळ माजवणाऱ्या ‘त्या’ ऑडिओ क्लिपची गृहमंत्र्यांनी घेतली दखल; आयुक्तांना दिला आदेश
पोलीस आयुक्तांना अहवाल सादर करत योग्य ती कारवाई करण्याचे गृहमंत्र्यांचे आदेश
नेमकं प्रकरण काय?
पुण्यातील महिला पोलीस अधिकाऱ्याचं फोनवरील संभाषण चांगलंच व्हायरल होत आहे. पुण्यातील डीसीपी मॅडमला एसपी हॉटेलची बिर्याणी हवी आहे, तीही मोफत! डीसीपी मॅडमची ही फर्माईश आता सोशल मीडियावर चांगलीच व्हायरल होतेय. डीसीपी मॅडमच्या या कारभाराला वैतागलेल्या कर्मचाऱ्यांनी थेट पोलीस महासंचालकांनाच पत्र लिहिलं आहे. दरम्यान, आम्ही या ऑडिओ क्लिपची पुष्टी करत नाहीत.
जवळपास 5 मिनिटाची ही ऑडिओ क्लिप आहे. त्यात डीसीपी मॅडम मटण बिर्याणी, प्रॉन्स आणि अजून एका नॉन व्हेज भाजीची ऑर्डर द्यायला आपल्या कर्मचाऱ्याला सांगत आहेत. त्यांना हे सगळं एका चांगल्या हॉटेलमधून हवं आहे. हे पदार्थ जास्त तेलकट, तिखटही नको आहेत. त्याचबरोबर त्याची चव चांगली असावी असाही त्यांचा हट्ट आहे. या डीसीपी मॅडम फक्त ऑर्डर देऊन थांबल्या नाहीत. तर त्यांनी आपल्या कर्मचाऱ्याला पोलिसांनी आपल्या हद्दीतील हॉटेलमध्ये पैसे का द्यायचे? असा सवालही केलाय. तो कर्मचारी मात्र यापूर्वी आपण नेहमी पैसे देऊनच खाद्यपदार्थ आणल्याचं सांगतोय. अशावेळी मॅडम महोदय त्या कर्मचाऱ्याला सर्व खाद्यपदार्थ फुकट आणण्यासाठी बजावत असल्याचं या ऑडिओ क्लिपमध्ये ऐकायला मिळत आहे.
मॅडमच्या पतीला मटण बिर्याणी आवडते तर त्यांना चिकन बिर्याणी. फोनवर ऑर्डर देताना त्या हॉटेल चालकाने पैसे मागितल्यास हद्दीतील पोलीस निरीक्षकाकडे तक्रार करा, असंही त्या आपल्या कर्मचाऱ्याला सांगायला विसरत नाहीत. डीसीपी मॅडमच्या या कारभाराला वैतागलेल्या कर्मचाऱ्यांनी पोलीस महासंचालकांना पत्र लिहिलं आहे. भ्रष्टाचार वाढवणाऱ्या या अधिकारी महिलेची खाबुगिरी रोखण्याची आणि चौकशी करण्याची मागणी आता केली जात आहे.
1 टिप्पणी:
माझ्या मुलाने देखील नोव्हेंबर 20 मध्ये एका महिले विरोधात पिंपरी चिंचवड आयुक्त कार्यालयात तक्रार दाखल केली तर त्यावर 25 ते 30 फेऱ्या मारल्यावर FIR जून 2021 माफही दाखल झाला. तोपर्यंत त्या महिलेने अनेक जणांना फसविले. बऱ्याच पोलीस चौकी मध्ये तिच्या विरुद्ध तक्रार होत्या पण प्रत्येक वेळी तिने काहीतरी मॅनेज केल्याने तिच्यावर कधीही गुन्हा दाखल झाला नाही त्यामुळे ती सतत फसवणूक करत राहिली आणि मला कुणी काहीही करू शकत नाही म्हणून बेफाम वागत राहिली आणि पैश्याच्या हव्यासापायी तिने नवऱ्याचा खून केला. आमच्या तक्रारीची वेळेत दखल घेतली गेली असती तर तिच्या नवऱ्याचा जीव वाचला असता. पोलीस प्रशासनावर कामाचा ताण आहे की कामाची दिरंगाई हेच कळत नाही.
टिप्पणी पोस्ट करा