शेतकऱ्याने लढवली भन्नाट शक्कल,वांग्याच्या पिकात लावला गांजा ! गुप्त माहिती मिळताच स्थानिक गुन्हे शाखेची कारवाई

 

नायगाव,दि 22 जून : राहेर ता.नायगाव च्या शेतकऱ्यांने हरनाळा शिवारातील शेतीत वांग्याच्या पीकामध्ये गांजाची लागवड केली असल्या ची गुप्त माहिती मिळाल्याने स्थानिक गुन्हे शाखेने मंगळवारी कारवाई करत गांज्याची लागवड करणाऱ्या शेतकऱ्याला ताब्यात घेतले असून, ६२ किलो वजनाच्या तीन लाखाच्या गांज्याची झाडे जप्त केली आहेत. सदर प्रकरणी कुंटुर पोलिस ठाण्यात गुन्हा नोंद करण्याची  प्रक्रिया सुरु असल्याची माहिती पोलिस प्रशासनाकडून मिळाली आहे.

    नायगाव तालुक्यातील राहेर येथील शेतकरी बळीराम गंगाराम घोरपडे यांचे बिलोली तालुक्यातील हरनाळा येथे शेती आहे. कुंटुर पोलिस ठाण्याच्या हद्दीतील हरनाळा परिसरात असलेल्या गट नंबर ३६ मधील शेतात वांग्याचे पिक घेतले. पण या वांग्याच्या पिकात गांज्याच्या झाडाची लागवड या शेतकऱ्याने केली. सदरची गुप्त माहिती स्थानिक गुन्हे शाखेला मिळताच पोलिस निरीक्षक द्वारकादास चिखलीकर यांच्या मार्गदर्शनाखाली पोलिस उपनिरिक्षक सचिन सोनवणे यांच्या पथकाने (ता. २२) रोजी सकाळी हरनाळा शिवारातील शेतात धाड मारली. यावेळी वांग्याच्या पिकात कुठलीही परवानगी न घेता गांज्याची ३८ झाडे लावल्याचे दिसून आले.

     कुष्णुर च्या जुगार आड्यावर धाड या नंतर अवैध देशी दारू जप्त व आता कुंटुर पोलीस ठाण्याच्या हद्दीत गांजाची लागवड ही स्थानिक पोलिसांच्या कामगिरीवर प्रश्न चिन्ह निर्माण करण्याच्या घटना एका मागे एक घडत आहेत.राहेर,बरबडा, कुष्णुर, व गोदाकाठावर च्या गावात अनेक अवैध धंदे बोकाळले असून या वर नियंत्रण करण्या साठी पोलीस प्रशासनाने कडक पाऊल उचलावीत अशी भावना सर्व सामन्यातून व्यक्त होत आहे.