महात्मा बसवेश्वरांच्या जयंती निमित्ताने दि-१४ मे २०२१,शुक्रवार रोजी नायगाव येथे प.पु.गणाचार्य शिवाचार्य महाराज,मुखेडकर यांच्या उपस्थितीत भव्य रक्तदान शिबिराचे आयोजन

 

नायगाव,दि 13 मे : समतानायक,बहुजन उद्धारक ,लोकशाहीचे जनक ,क्रांतीसूर्य महात्मा बसवेश्वर यांच्या जयंती निमित्ताने लिंगायत समाज नायगाव तालुक्याच्या वतीने क्रांतीसूर्य महात्मा बसवेश्वर चौक,नायगाव बाजार येथे दि.१४ मे २०२१,शुक्रवार सकाळी नऊ वाजता पासून भव्य रक्तदान शिबिराचे आयोजन करण्यात आले आहे.बाराव्या शतकात विषमता प्रचंड वाढलेली असताना लिंगायत विचारधारेच्या माध्यमातून वैचारिक क्रांती महात्मा बसवेश्वरानी घडवून आणली होती.

तालुक्याच्या मुख्य ठिकाणी घेण्यात आलेल्या बैठकीत यंदा देशासह-महाराष्ट्रावर कोरोनाचे संकट असल्या कारणाने आपणही समाजाचे काही तर देणे लागते.हीच शिकवण महात्मा बसवेश्वरानी आपल्या वचन साहित्याच्या माध्यमातून दिली.याचाच एक भाग म्हणजे लिंगायत समाज नायगाव तालुक्याच्या वतीने महामानवाच्या जयंती निमित्ताने रक्तदान शिबिराचे आयोजन करण्यात आले आहे.

रक्तदान शिबीर कार्यक्रमाचे उदघाटन प.पु.सिध्ददयाळ शिवाचार्य महाराज बेटमोगरेकर यांच्या हस्ते करण्यात येणार आहे.यावेळी प्रमुख उपस्थिती म्हणून प.पु.गणाचार्य शिवाचार्य महाराज,मुखेडकर असणार आहेत.रक्तदान शिबिर यशस्वी करण्यासाठी जास्तीतजास्त रक्तदात्यांनी रक्तदान करून समाज उपयोगी कार्यात सहभाग नोंदवावा असे आवाहन संयोजन समितीचे राजूआप्पा बेळगे,विठ्ठल बेळगे, अविनाश अनेराये,केशव पांडागळे आदींनी केले आहे.