नांदेड ,(दि.14 फेब्रुवारी) : नांदेड आगाराची शिवशाही बस क्रमांक एम एच ०६ बी डब्ल्यू ४४१३ दि. १३/०२/२०२१ रोजी रात्री ११:०० वाजता च्या नांदेड – हैदराबाद फेरीवर धावत असताना दिनांक १४/०२/ २०२१ रोजी सकाळी ०४:०० वाजता कामारेड्डी (तेलंगणा राज्य) च्या अलीकडे सदर बस रस्त्याच्या खाली उतरून २-३ पलट्या घेतल्याने अपघात झाला.
बस मध्ये अपघाताच्या वेळी एकूण ३६ प्रवासी होते. सदर अपघातात १७ प्रवाशांना गंभीर स्वरूपाची दुखापत झाली.सदर अपघातात रा. प. चालकाच्या डोक्याला मार लागला असून वाहकाच्या हाताला गंभीर दुखापत झाली आहे.
चालक वाहक व सर्व जखमी प्रवाशांना कामारेड्डी येथील सरकारी रुग्णालयात दाखल करण्यात आले आहे.
कामगिरी वरील चालक- श्री. विजयकुमार वाघवसे, बि. क्र. – १८६८८ व
वाहक – श्री अब्दुल करीम, बि. क्र. – १५८२६ हे होते.
प्रथम दर्शनी सदर अपघात बस वरील चालकाचे नियंत्रण सुटल्यामुळे झाल्याने रा. प. चालक जबाबदार दिसून येत आहे.
सदर अपघाताची माहिती मिळताच आगार व्यवस्थापक बिलोली श्री.चंद्रशेखर समर्थवाड घटनास्थळी रवाना झाले असून यंत्र अभियंता (चालन) तथा विभाग नियंत्रक श्री.अशोक पन्हाळकर घटनास्थळा कडे तात्काळ रवाना झाले आहेत. तेलंगाना राज्य परिवहन चे अधिकारी सुद्धा घटनास्थळी पोहोचले आहेत.
सदर अपघातात नायगाव हुन हैद्राबाद साठी निघालेल्या सहा जणांना जबर मार लागला आहे.त्यातील एकाची प्रकृती गंभीर असल्याचे वृत्त आहे
नायगाव येथील प्रतिष्ठित व्यापारी माधव कवटीकवार यांचे परवाच निधन झाले होते, वडिलांच्या अस्थी काशीला घेऊन निघालेले त्यांचे चिरंजीव शिवाजी माधव कवटीकवार 45, नातू,सचिन वसंत कवटीकवार 35 ,दोघे रा.नायगाव तर कवटीकवार परिवाराचे जावई चंद्रकांत रुद्रकंठवार रा.कलंबर 55 वर्ष हे हैद्राबाद हुन विमानाने काशी उत्तरप्रदेश येथे जात होते.तर दुसऱ्या एका कुटुंबातील काहीजण लग्न कार्यासाठी या बसने हैदराबादला जात होते.या अपघातात शेख अहेमद खाजा मिया वय 56 वर्ष यांचे माकड हाड मोडले.पत्नी हजरा बेगम शे. अहमद 50 वर्ष दोन्ही हात मोडले आणि डोके फुटले. मुलगी मिसबाह नुरी शे. अहमद 22 वर्ष यांनाही जबर मार लागला.सर्वजण नांदेडच्या डॉ. कतूरवार अर्थोपेडिक हॉस्पिटलमध्ये उपचार घेत आहेत.
मध्य रात्री 12 वा नायगाव येथे येणारी ही शिवशाही बस एक तास उशिरा आली आली होती
विशेष म्हणजे नायगाव हुन निघाल्या नंतर नरसी चौकातून बोधन मार्गे जाणारी बस बेधुंद चालकाने नरसी देगलूर रस्त्यावरही नेली होती नंतर प्रवासी व वाहक यांनी आरडाओरड केल्या नंतर परतून घेऊन बोधन मार्गावर आणली.साखरझोपेची वेळ असल्याने सर्व प्रवासी गाढ झोपेत असताना कामारेड्डी जवळ जागेवर दोन कोलांट ऊडया खात बस दरीत कोसळली
नायगाव येथील तरुण व्यापारी सचिन वसंत कवटीकवार याच्या डोक्याला जबर मार लागला असून 10 ते 15 टाके पडले आहेत.तर सराफी व्यापारी शिवाजी माधव कवटीकवार ,चंद्रकात रुद्रकंठवार हेसुध्दा जखमी झाले आहेत.
ड्रायव्हर ने मद्य प्राशन केले होते असे कंडक्टर चे म्हणणे आहे तसेच यात नायगाव येथील तीन जण गंभीर जखमी आहेत त्यांचे व इतर प्रवाशांचे अपघात झाल्यानंतर मोबाईल मौल्यवान वस्तू व पैसे गहाळ झाल्याची चर्चा आहे. या अपघातातील जखमी सुखरूपपणे घरी आले असल्याचे कळते
✍️✍️✍️
संजय ब्रम्हानंद पा.चिखले
7767912933
बातमी व व जाहिरातीसाठी संपर्क साधावा.
👇ब्लॉग वरील सर्व बातम्या पाहण्यासाठी येथे क्लिक करा
1 टिप्पणी:
दारु ने केला घात
टिप्पणी पोस्ट करा