नांदेड, दि. 12:- समस्याग्रस्त व पिडीत महिलांसाठी 15 मार्च 2021 रोजी महिला लोकशाही दिनी आपले अर्ज विहित नमुन्यात सादर करावे, असे आवाहन जिल्हास्तरीय महिला लोकशाही दिन समितीचे अध्यक्ष तथा जिल्हाधिकारी नांदेड व सदस्य सचिव तथा जिल्हा महिला व बाल विकास अधिकारी नांदेड यांनी केले आहे.
दर महिन्याच्या तिसऱ्या सोमवारी जिल्हास्तरीय महिला लोकशाही दिन घेण्यात येतो. सोमवार 15 मार्च 2021 रोजी सकाळी 11 वा. जिल्हाधिकारी नांदेड यांच्या अध्यक्षतेखाली बचत भवन जिल्हाधिकारी कार्यालय परिसर नांदेड येथे महिला लोकशाही दिन होणार आहे. संबंधीत समितीचे सदस्य व शासन निर्णयात नमुद संबंधीत विभागाचे अधिकारी यांनी उपस्थित रहावे, असेही आवाहन सदस्य सचिव तथा जिल्हा महिला व बालविकास अधिकारी नांदेड यांनी केले आहे.
- पीडित महिलांना त्यांचे प्रश्न मांडण्यासाठी एकप्रकारे व्यासपीठ, तसेच त्यांच्या हक्काचे संरक्षण होऊन न्याय मिळावा या दृष्टीने महिलांच्या तक्रारी, अडचणी यांची शासकीय यंत्रणेकडून सोडवणूक करण्यासाठी जिल्हा, विभाग, मंत्रालय व तालुका स्तरावरील महिला लोकशाही दिन पाळण्याबाबत निर्णय झाला.
- महिला लोकशाही दिन तालुका स्तरावर प्रत्येक महिन्याच्या चौथ्या सोमवारी होणार आहे. त्याचे अध्यक्ष तहसीलदार असतील. महिला लोकशाही दिनासाठी अर्ज करण्यास प्रत्येक तालुक्याच्या बालविकास प्रकल्प अधिकारी कार्यालय, पंचायत समिती येथे संपर्क साधता येईल. जिल्हास्तरीय महिला लोकशाही दिन प्रत्येक महिन्याच्या तिसऱ्या सोमवारी होईल. याचे अध्यक्ष जिल्हाधिकारी आहेत.विभागीय आयुक्त व राज्यस्तरावर प्रत्येक महिन्याच्या दुसऱ्या सोमवारी महिला लोकशाही दिन पाळण्यात येणार आहे. या दिवशी सुटी असल्यास त्यानंतर येणारा कामकाजाचा दिवस लोकशाही दिन म्हणून पाळण्यात येईल
✍️✍️✍️
संजय ब्रम्हानंद पा चिखले मरवाळीकर
7767912933
बातमी व जाहिरातीसाठी संपर्क साधावा.
सापळा कारवाई अहवाल स्पेशल ब्लॉग
👇ब्लॉग वरील सर्व बातम्या पाहण्यासाठी येथे क्लिक करा
open this link in a new window
