जालना,दि.28 जून : महाराष्ट्र राज्य ग्रामीण जीवन उन्नती अभियान, पंचायत समिती मंठा अंतर्गतचा तालुका अभियान व्यवस्थापक तुकाराम छबुरा कु-हाडे यास 3,500/- रुपयांची लाच घेतांना लाचलुचपत प्रतिबंधक विभाग, जालनाच्या पथकाने रंगेहाथ पकडले.
याबाबत हकीगत अशी की, यातील तक्रारदार यांनी तक्रार दिली कि, तक्रारदार महाराष्ट्र राज्य ग्रामीण जीवन उन्नती अभियान अंतर्गत पंचायत समिती मंठा येथे तालुका व्यवस्थापक म्हणून कार्यरत आहेत. त्यांचे दोन वर्षापासून प्रति माह 1.500/ रुपये याप्रमाणे मागील दोन वर्षापासुन एफ टी ए रक्कम प्रलंबित आहे. तसेच त्यांचे मागील तीन महिन्यांचा प्रवासभत्ता बिल थकीत आहे. त्यांनी तालुका अभियान व्यवस्थापक श्री. तुकाराम छबुराव कु-हाडे याला त्यांचे एफ टी ए तसेच प्रवासभत्ता देयक मंजूर करून देण्याची विनंती केली असता, तालुका अभियान व्यवस्थापक तुकाराम बुराव कु-हाडे याने त्यांचे एक टी ए तसेच प्रवासभत्ता देयक | मंजूर करून देण्यासाठी 3.500/- रुपये लाचेची मागणी केली. सदर कामासाठी तक्रारदार यांना लाच देण्याची इच्छा नसल्याने त्यांनी | लाचलुचपत प्रतिबंधक विभाग, जालना येथे संपर्क साधून तक्रार दिली.
सदर तक्रारीवरून दिनांक 25.06.2021 रोजी लाचेची पडताळणी केली असता, महाराष्ट्र राज्य ग्रामीण जीवन उन्नती अभियान, अंतर्गत पंचायत समिती मंठा येथील तालुका अभियान व्यवस्थापक तुकाराम उबुराव कु-हाडे याने तक्रारदार यांचेकडे त्यांचे मागील दोन वर्षापासुन एफ टी ए रक्कम मंजुर करुन देण्यासाठी तसेच त्यांचे मागील तीन महिन्यांचा प्रवासभत्ता बिल थकीत रक्कम मंजुर करुन देण्यासाठी 3,500/- रुपये लाचेची मागणी केल्याचे निष्पण्ण झाल्याने, त्यानुसार आज दिनांक 28.06.2021 रोजी पंचायत समिती कार्यालय, मंटा जि. जालना येथे सापळा लावला असता तालुका अभियान व्यवस्थापक श्री. तुकाराम छबुराव कु-हाडे यांनी तक्रारदार याच्याकडे त्यांचे मागील दोन वर्षापासुन एफ टी ए रक्कम मंजूर करून देण्यासाठी, तसेच त्यांचे मागील तीन महिन्यांचा प्रवासभत्ता बिल थकीत रक्कम मंजुर करुन देण्यासाठी 3.500/- रुपये लाचेची रक्कम स्वत: पंचासमक्ष स्विकारली असतांना त्यांना लाचलुचपत प्रतिबंधक विभाग जालनाचं पथकाने पंचायत समिती कार्यालय, मंठा जि. जालना येथे रंगेहाथ पकडले आहे.
लोकसेवक तुकाराम बुराव कु-हार्ड वय 36 वर्ष व्यवसाय नोकरी तालुका अभियान व्यवस्थापक महाराष्ट्र राज्य ग्रामीण जीवन उन्नती अभियान अंतर्गत पंचायत समिती मंठा जि. जालना रा. योगेशनगर अंबड रोड, जालना याचे विरुद्ध गुन्हा दाखल करण्यात आला आहे.
सदरची सापळा कार्यवाही मा पोलीस अधिक्षक श्री. राहुल खाडे, मा अपर पोलीस अधिक्षक श्री. मारुती पंडीत ला.प्र. विभाग औरंगाबाद, पोलीस उप अधिक्षक श्री. रविंद्र डी. निकाळजे यांचे मार्गदर्शनाखाली पोलीस निरीक्षक श्री. एस.एस. ताटे, श्री. शिवाजी जमधडे,श्री. गजानन घायवट, श्री कृष्णा देते. श्री. गणेश बुजाडे, चालक श्री. प्रविण खंदारे व आरिफ शेख यांनी केली.
तसेच अॅन्टी करप्शन ब्यूरो कडुन आवाहन करण्यात येते की, कोणी लोकसेवक शासकीय कामासाठी लाचेची मागणी करीत असल्यास किंवा खाजगी व्यक्ती मार्फत कोणी लाचेची मागणी करीत असल्यास 02482-220252. तसेच टोल फ्री क्रमांक 1064 वर संपर्क करावा. तसेच पोलीस उप अधिक्षक जालना मो.नं. 8975762906, पोलीस निरीक्षक मो.नं. 8390757835, 9823216788 वर संपर्क करावा.
कोणत्याही टिप्पण्या नाहीत:
टिप्पणी पोस्ट करा
बातमी विषयी आपण आपली टिप्पणी,अभिप्राय नोदवू शकता किंवा काही सूचना मांडू शकता