येसगी येथील मांजरा नदीवरील जुना पुल क्षतिग्रस्त झाल्याने वाहतुकीस प्रतिबंध पर्याय मार्गाचा वापर करण्याबाबत अधिसूचना निर्गमीत

 

नांदेड, दि. 8 सप्टेंबर २०२१ :- बिलोली तालुक्यातील येसगी येथील मांजरा नदीवरील जुना पुल क्षतिग्रस्त झाल्यामुळे हा मार्ग सर्व प्रकारच्या वाहतुकीस प्रतिबंध करण्यात आला आहे. त्याऐवजी पर्याय मार्गाचा वापर करण्याबाबत जिल्हादंडाधिकारी डॉ. विपीन इटनकर यांनी अधिसूचना निर्गमीत केली आहे.

येसगी येथील मांजरा नदीवरील जुना पुलावरील मार्ग प्रतिबंध करण्यात आल्याने पर्यायी मार्ग जाण्या-येण्यासाठी पुढील प्रमाणे राहील. बिलोली शहराकडून बोधनकडे जाणारी वाहतुक ही बिलोली-कुंडलवाडी-धर्माबाद ते राज्य सीमेवरून बोधनकडे या मार्गे तर नांदेडहून हैद्राबादकडे जाणारी वाहतूक नांदेड-नरसी-देगलूर-मदनूर हैद्राबाद हा पर्यायी मार्ग राहील.

मोटार वाहन कायदा 1988 चे कलम 115 मधील तरतुदीनुसार जिल्हादंडाधिकारी डॉ. विपीन इटनकर यांनी संबंधित विभागाने उपाययोजना करुन 8 सप्टेंबर 2021 पासून पुढील आदेशापर्यंत नमुद केलेल्या पर्यायी मार्गान सर्व प्रकारची वाहने वळविण्यास मान्यता दिली आहे.

लाचखोर कांबळे नावाच्या तलाठ्याने 25 हजाराची लाच मागितल्याने एसीबी पथकाने घेतले ताब्यात

 

*== प्रेसनोट ==*

*लाच मागणी कारवाई*

▶️ *युनिट -* नाशिक.

▶️ *तक्रारदार-* पुरुष, वय - 41 वर्ष, रा. मु.पो. शिरसमनी, ता. कळवण, जि. नाशिक 

▶️ *आलोसे-*  

श्री जयवंत केदु कांबळे,

वय 48, व्यवसाय-नौकरी, तलाठी, वर्ग -03, सजा-ओतूर, तहसील कार्यालय, कळवण, जि. नाशिक                                                      

▶️ *लाचेची मागणी-* 25,000/-₹

▶️ *लाचेची मागणी तारीख - 

 18/08/2021

▶️ *लाचेचे कारण -*.  

तक्रारदार यांनी खरेदी केलेल्या शेतजमिनी चे 7/12 उताऱ्यावर नाव लावून नोंद टाकण्यासाठी लोकसेवक तलाठी श्री. कांबळे यांनी 30,000/- रूपयांची मागणी करून तडजोडीअंती 25,000/- रुपयांची मागणी केली म्हणून गुन्हा.                  

▶️ हॅश व्हॅल्यू घेण्यात आली असून फोटोग्राफ घेण्यात आले आहेत. ▶️ *सापळा अधिकारी -* जयंत शिरसाठ ,पोलीस निरीक्षक, ला.प्र.वि.,नाशिक. 

▶️ *सापळा पथक -* पोना/नितीन कराड, पोना/प्रभाकर गवळी, पोना/प्रवीण महाजन व पोना/शरद हेंबाडे

सर्व नेमणूक- लाप्रवि, नाशिक.           

▶ *मार्गदर्शक-* *1)* मा.श्री. सुनील कडासने सो, पोलीस अधीक्षक, ला.प्र.वि, नाशिक परिक्षेत्र, नाशिक.

*2)* मा.श्री. निलेश सोनवणे सो, अपर पोलीस अधीक्षक, ला.प्र.वि, नाशिक परिक्षेत्र, नाशिक. 

३) मा.श्री.सतीश भामरे सो, पोलीस उपअधीक्षक, वाचक, लाप्रवि, नाशिक.

▶ *आलोसे सक्षम अधिकारी-* मा. जिल्हाधिकारी, नाशिक.                                                                      

--------------------------------------

*सर्व नागरीकांना आवाहन करण्यात येते की, त्यांच्याकडे कोणत्याही शासकीय अधिकारी/कर्मचारी यांनी कींवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा.*

*अँन्टी करप्शन ब्युरो नाशिक*

*@ टोल फ्रि क्रं. 1064*

===================

लहान-मोठ्या पुराने सतत पाण्याखाली येणाऱ्या पुलांच्या नव्याने उभारणीबाबत लवकरच धोरणात्मक निर्णय - सार्वजनिक बांधकाम मंत्री अशोक चव्हाण

  

नांदेड, दि. 8 सप्टेंबर २०२१ :- नांदेड जिल्ह्यातील भौगोलिक रचना, गोदावरीसह इतर लहान-मोठ्या नद्या, नाले आणि ओढ्यांना येणारे पूर यात मोठ्या प्रमाणात लहान पुलांचे, ठरावीक ठिकाणी रस्त्यांचे अतोनात नुकसान होते. याचबरोबर जीवत हानीही वारंवार होत असल्याचे निदर्शनास येत आहे. अतिवृष्टी झाली की सातत्याने यात होणारी हानी लक्षात घेता अशा जागेवर नव्याने पाण्याखाली न येणाऱ्या उंचीचे पूल उभारण्याबाबत गंभीरतेने विचार सुरू असून लवकरच याबाबत धोरणात्मक निर्णय घेतला जाईल, असे प्रतिपादन राज्याचे सार्वजनिक बांधकाम मंत्री तथा नांदेड जिल्ह्याचे पालकमंत्री अशोक चव्हाण यांनी केले. 

नांदेड जिल्ह्यातील अतिवृष्टीमुळे झालेल्या नुकसानीची आढावा बैठक आज रात्री उशीरा त्यांच्या अध्यक्षतेखाली संपन्न झाली. यावेळी जिल्हा परिषदेच्या अध्यक्षा मंगाराणी अंबुलगेकर, आमदार अमर राजूरकर, आमदार मोहन हंबर्डे, जिल्हाधिकारी डॉ. विपीन इटनकर, जिल्हा परिषदेच्या मुख्य कार्यकारी अधिकारी वर्षा ठाकूर-घुगे, जिल्हा पोलीस अधिक्षक प्रमोद शेवाळे, मनपा आयुक्त सुनिल लहाने, सार्वजनिक बांधकाम विभागाचे अधिक्षक अभियंता अविनाश धोंडगे व सर्व विभागांचे प्रमुख उपस्थित होते. 

ग्रामीण व राज्य महामार्गावरील सर्वच पुलांची पाहणी करणे आवश्यक झाले आहे. जे पूल अथवा पुलाचा काही भाग ज्या ठिकाणी वाहून जातो, जे पूल जलमय होतात अशा पुलांची वर्गीकरण करुन त्यांना प्राधान्यक्रमानुसार दुरुस्त करणे व त्याबाबत पर्यायी नियोजनाबाबतच्या सूचना पालकमंत्री अशोक चव्हाण यांनी सार्वजनिक बांधकाम विभागाच्या अधिकाऱ्यांना दिल्या. याचबरोबर पावसाळ्यामध्ये सातत्याने अपघात होणारी ठिकाणे निश्चित करुन त्याठिकाणी अपघात होऊ नये यासाठी क्रॅशबार अथवा इतर पर्याय आहेत का याची तपासणी करण्याचे त्यांनी निर्देश दिले. 

राष्ट्रीय महामार्गाची स्थिती ही अत्यंत दयनीय झाली आहे. ठिकठिकाणी खड्डे पडले आहेत. यात औरंगाबाद ते नांदेड पर्यंत, नांदेड ते अहमदपूर-लातूर, नांदेड ते हदगाव, नांदेड ते देगलूर व पुढील मार्गावर मोठ्या प्रमाणावर दुरुस्तीची गरज आहे. याचाही सविस्तर आढावा घेण्याचे निर्देश त्यांनी राष्ट्रीय महामार्गाच्या अधिकाऱ्यांना देऊन याबाबत केंद्रीय रस्ते व वाहतुक मंत्री नितीन गडकरी यांच्याशी चर्चा करुन मार्ग काढण्याचा प्रयत्न केला जाईल, असे पालकमंत्री अशोक चव्हाण यांनी स्पष्ट केले. 

सन 2006 नंतर नांदेड जिल्ह्यात मोठ्या प्रमाणात नदी-नाल्यांना पूर आल्याने मोठे नुकसान झाले आहे. यात बऱ्याच ठिकाणी शेतातील उडीद व इतर पिके हातची आलेली गेलेली आहेत. काही ठिकाणी शेतातील मातीही खरबडून गेली आहे. शेतकऱ्यांना यातून सावरण्यासाठी पिक विमा योजना व इतर स्तरावर मदत करण्यासाठी तातडीने पंचनामे करुन अहवाल सादर करण्याचे निर्देश पालकमंत्री अशोक चव्हाण यांनी कृषि विभागाला दिले.

जिल्ह्यातील 7 तलावांना हानी पोहचली असून 2 तलाव फुटले आहेत. 5 तलावांची दुरुस्ती आवश्यक आहे. ही दुरुस्ती तातडीने करण्याचे निर्देशही त्यांनी संबंधित विभागाला दिले. जिल्ह्यातील या अतिवृष्टीमुळे झालेल्या एकुण नुकसानीचा अंदाज घेऊन कामाचे प्राधान्यक्रम व यासाठी मदत व पूनर्वसन विभाग, जिल्हा परिषद आणि जिल्हा नियोजन विकास आराखड्याद्वारे नेमके कोणती कामे होऊ शकतील याचे नियोजन करण्याचे निर्देश त्यांनी जिल्हाधिकारी डॉ. विपीन इटनकर यांना दिले. 

नांदेड महानगरात जवळपास 400 घरांमध्ये पाणी घुसले. यामुळे 580 लोकांना विस्थापीत केले असून त्यांची व्यवस्था मनपातर्फे केली जात आहे. विविध सेवाभावी संस्था मदतीसाठी पुढे येत असल्याची माहिती यावेळी मनपा आयुक्त सुनिल लहाने यांनी दिली. जिल्हाधिकारी डॉ. विपीन इटनकर यांनी जिल्ह्यातील अतिवृष्टीमुळे झालेल्या नुकसानीचे छायाचित्रासह सादरीकरण केले. याचबरोबर सार्वजनिक बांधकाम विभागाच्यावतीने अधिक्षक अभियंता अविनाश धोंडगे यांनी सादरीकरण केले.

जिल्ह्यात गत 24 तासात सरासरी 53.90 मि.मी. पाऊस

  

नांदेड,दि. 8 सप्टेंबर २०२१ :- जिल्ह्यात 8 सप्टेंबर 2021 रोजी सकाळी 11.28 वा. संपलेल्या गत 24 तासात सरासरी 53.90  मिलीमीटर पावसाची नोंद झाली असून जिल्ह्यात दिवसभरात एकुण 168.40 मिलीमीटर पाऊस झाला आहे.  

जिल्ह्यात 8 सप्टेंबर 2021 रोजी सकाळी 11.28 वा. संपलेल्या 24 तासात झालेला पाऊस मिलीमीटरमध्ये तालुकानिहाय पुढील प्रमाणे कंसात एकूण पाऊस : नांदेड- 31.2 (111.50), बिलोली 102 (258.90) मुखेड- 205.10 (497.20) कंधार 91.5 (201.40), लोहा- 104.10 (200),हदगाव 10.5 (157.80),भोकर 16.80 (161.40) देगलूर 87.10 (192.60) किनवट- 12.20 (140.30), मुदखेड 19.40 (89.10) हिमायतनगर 36.90 (187.30) माहूर- 1.70 (76.10 धर्माबाद- 47.90 (137.10), उमरी 20.50 (157) अर्धापूर 39.90 (161.70) नायगाव- 71.90 (194.30) याप्रमाणे आहे.

नदीकाठच्या गावांना सतर्कतेचा इशारा गोदावरी पात्रात मोठ्या प्रमाणात पाण्याचा विसर्ग

 

नांदेड (जिमाका) दि. 8 :- सप्टेंबर महिन्याच्या पहिल्या आठवड्यापासून व यापूर्वी विविध ठिकाणी झालेल्या अतिवृष्टीमुळे गोदावरी नदीपात्रात मोठ्या प्रमाणात पाण्याचा येवा वाढला आहे. याचबरोबर आज 8 सप्टेंबर रोजी निम्न दुधना प्रकल्पातून 36 हजार 640 क्युसेस विसर्ग पूर्णा नदीपात्रात सुरु आहे. माजलगाव या मोठ्या प्रकल्पातून 21 हजार 700 क्युसेस पाण्याचा विसर्ग चालू आहे. पुर्णा प्रकल्पाच्या (येलदरी व सिद्धेश्वर) पाणलोट क्षेत्रातुन पूर्णा नदीत 16 हजार क्युसेस विसर्ग चालू आहे. सिद्धेश्वर धरणाखाली मोठ्याप्रमाणावर पाऊस झाल्याने पुर्णा ब्रिजजवळ 1 लाख 18 हजार क्युसेस विसर्ग चालू आहे. या सर्व नद्यांचे पाणी गोदावरी नदीला येऊन मिळते. यामुळे विष्णुपुरी प्रक्ल्पातूनही मोठ्या प्रमाणात पाण्याचा विसर्ग सुरु करण्यात आला आहे. 

विष्णुपुरी प्रकल्पाच्या 15 दरवाजातून 2 लाख 41 हजार 518 क्युसेस पाण्याचा विसर्ग चालू असल्याने गोदावरी पात्रात मोठ्या प्रमाणात पाण्याचा येवा वाढणे स्वाभाविक आहे. हा विसर्ग नियंत्रित रहावा यादृष्टीने विष्णुपुरी प्रकल्पाद्वारे तो नियंत्रीत करण्याचा प्रशासनाचा प्रयत्न केला जात असला तरी नदीपात्रात पाण्याचा प्रवाह व येवा कमी झालेला नाही. नांदेड येथील जुन्या पुलावर आज 8 सप्टेंबर रोजी सायंकाळपर्यंत पाणी पातळी 352.40 मिटर इतकी आहे. इशारा पातळी 351 तर धोका पातळी 354 मीटर इतकी आहे. इशारा पातळीचा विसर्ग 2 लाख 13 हजार क्युसेस व धोका पातळीचा विसर्ग 3 लाख 9 हजार 774 क्युसेस आहे. 

विष्णुपुरी प्रकल्पातून सोडलेला विसर्ग व गोदावरी नदीत चालू असलेला विसर्ग यामुळे पाण्याची पातळी कमी झालेली नाही. त्यामुळे शहरातील नदीकाठच्या सर्व नागरिकांना अत्यंत सतर्क राहण्याचा इशारा जिल्हा प्रशासनामार्फत देण्यात आला आहे. 

उर्ध्व मानार प्रकल्प व निम्म मानार प्रकल्पही शंभर टक्के भरला आहे. उर्ध्व पैनगंगा धरण 94.9 टक्के भरल्याने धरणाच्या पाणलोट क्षेत्रात पाऊस झाल्यास गेटचे पाणी सोडण्यात येईल, अशा इशारा नांदेड पाटबंधारे विभागाने दिला आहे. यामुळे जिल्ह्यातील गोदावरी, पैनगंगा, पुर्णा, मानार नदीकाठच्या गावातील नागरिकांनी अधिक सतर्क राहून जिल्हा प्रशासनास सहकार्य करण्याचे आवाहन करण्यात आले आहे.

दोन लाचखोर सहायक पोलीस निरीक्षक एकाच दिवशी एकाच परिक्षेत्रातील दोन घटकातील पथकाच्या जाळ्यात

 

*Respected sir*

*Trap Case Report:*

➡ घटक :- पुणे

➡ तक्रारदार :- पुरूष,२२ वर्ष.

➡ आरोपी :- 

1)लोकसेवक- राहूल अशोक पाटील,वय-३३, पद- सहायक पोलीस निरीक्षक, नेमणूक- विमानतळ पोलीस स्टेशन, पुणे शहर. 

2) खाजगी इसम- संतोष भाऊराव खांदवे, वय - 45 वर्षे रा. लोहगाव , पुणे

▶️पडताळणी :- 07/9/2021,08/09/2021

➡️सापळा:-दि.08/09/2021

➡️ लाचेची मागणी : सुरुवातीस

रू.5,00,000/- (पाच लाख)

➡️तडजोडीअंती :- 300000/-रुपये 

➡️ लाच स्विकारली :- 

रु.1,00,000/-

➡ हकीकत:- तक्रारदार यांचे वडीलांवर विमानतळ पोलीस स्टेशन येथे फसवणुकीचा दाखल गुन्हा दाखल असून सदर गुन्ह्यामध्ये जामीन मिळण्यास मदत होईल यासाठी तपासात आवश्यक ती मदत करण्यासाठी नमूद आरोपीनी पाच लाख रुपयांची लाच मागणी करून आरोपी क्रं. 2 याने तडजोडीअंती 3,00,000/-रु. लाच मागणी करून 1,00,000/- रुपये लाच स्वीकारली .आरोपी लोकसेवक क्रमांक 1 यानी त्यास प्रोत्साहन दिले.

➡️पडताळणी व सापळा पथक:

पोलीस निरीक्षक - सुनील क्षीरसागर. 

पोलीस निरीक्षक संदीप वऱ्हाडे

पो.हवा. अंकुश माने

पो.शि. दिनेश माने.

म.पो.शि. पूजा पागिरे.    

चालक पो.शि.राऊत

ला.प्र.वि.पुणे युनिट .

➡️ मार्गदर्शन अधिकारी: -

 श्री राजेश बनसोडे पोलीस अधीक्षक,लाप्रवि पुणे परिक्षेत्र.

श्री सुरज गुरव,अपर पोलीस अधीक्षक,लाप्रवि पुणे.

श्री सुहास नाडगौडा,अपर पोलीस अधीक्षक, लाप्रवि पुणे.

*Respected sir,*

*TRAP Case Report:*

➡ घटक :- सांगली

➡ तक्रारदार :- पुरुष वय       

       41 वर्ष.

➡ आरोपी लोकसेवक :- 

   समाधान वसंत बिले

वयं 42, सहाय्यक पोलीस निरीक्षक नेमणुक मिरज ग्रा. पो. ठाणे जि. सांगली वर्ग 2

➡️पडताळणी दिनांक :-  

 27/8/21, 1/9/21, 7/9/21, 8/9/21

➡️सापळा दिनांक :- 8/9/2021       

➡️ लाच मागणी :-

 रु. 25,000 

➡️ लाच स्विकारली :-

 रु. 25,000/- 

➡ हकीकत :- तक्रारदार त्यांचे नातेवाईक यांना पो. ठाणेत दाखल गुन्ह्यात आरोपी न करणेसाठी आलोसे यांनी 25,000 रु. लाच मागणी करुन स्विकारताना रंगेहात पकडले आहे.

➡ सापळा पथक : - पो उप अधीक्षक सुजय घाटगे, सलीम मकानदार, पो.कॉ. अविनाश सागर, अजित पाटील, चालक पोना पवार.

➡मार्गदर्शन अधिकारी :- 

श्री राजेश बनसोडे,

पोलीस अधीक्षक, ला प्र वि पुणे परिक्षेत्र.

श्री सुरज गुरव, अपर पोलीस.अधीक्षक ला प्र वि पुणे परिक्षेत्र

 श्री. सुहास नाडगौडा, 

 अपर पोलीस अधीक्षक, ला प्र वि पुणे परिक्षेत्र