प्रेस नोट
दिनांक-३०/०६/२०२१
३० हजार रूपये लाचेची मागणी केली म्हणुन महावितरण शाखा क. १ लातुर च्या सहायक अभियंता शेख मन्सुर नजीर याच्या विरुद्ध गुन्हा दाखल.
यातील तक्रारदार यांच्या हॉटेलच्या लाईटने मिटर मधून विद्युत प्रवाह काढून थेट लाईटचा वापर करून विज चोरी केली म्हणुन सहायक अभियंता शेख मन्सुर नजीर याने कारवाई न करणेसाठी ३०,०००/- रुपये लाचेची मागणी केली म्हणून दिनांक २९/०६/२०२१ रोजी लाचलुचपत प्रतिबंधक विभाग यांच्या कडे तकार प्राप्त झाली होती. तक्ररदार यांचे तक्ररीच्या अनुषंगाने लाचलुचपत प्रतिबंधक विभाग, लातूर यांच्या कडून दिनांक २९/०६/२०२१ रोजी लाचेच्या मागणीची पडताळणी केली असता, तक्रारदार यांच्या हॉटेलच्या लाईटचे मिटर मधून विद्युत प्रवाह काढून थेट लाईटचा वापर करून विज चोरी केली म्हणून सहायक अभियंता शेख मन्सुर नजीर याने कारवाई न करणेसाठी ३०,०००/- रुपये लाचेची मागणी केल्याचे निष्पन्न झाले.
तक्ररदार ३०,०००/- रुपये लाचेची रक्कम घेवून आलोसे शेख मन्सुर नजीर, पद- सहायक अभियंता, वर्ग २. नेमणुक महावितरण कार्यालय लातुर शहर शाखा क १, रा. गरुड चौक लातुर याला देण्याकरीता महावितरण कार्यालय लातुर शाख १ येथे दिनांक २९/०६/२०२१ व ३०/०६/२०२१ रोजी गेले असता शेख मन्सुर नजीर याने लाचेची रक्कम घेण्यास जाणून बुजून टाळले आहे.
तक्रारदार यांनी दिलेल्या तक्रारीवरून आरोपी लोकसेवक याच्या विरुध्द पोलीस स्टेशन गांधी चौक लातुर येथे कलम ७ ला.प्र.का अधिनियम १९८८ अन्वये दिलेल्या तक्रारीवरून गुन्हा दाखल करण्यात येत आहे. गुन्हाचा तपास पोलीस निरीक्षक बाबासाहेब काकडे, लाचलुचपत प्रतिबंधक विभाग, लातूर हे करीत आहेत.
सदरची सापळा कार्यवाही श्रीमती कल्पना बारवकर, पोलीस अधिक्षक लाचलुचपत प्रतिबंधक विभाग, नांदेड. परिक्षेत्र, नांदेड, श्रीमती अर्चना पाटील, अपर पोलीस अधिक्षक लाचलुचपत प्रतिबंधक विभाग, नांदेड परिक्षेत्र, नांदेड यांचे मार्गदर्शनाखाली पोलीस उप अधिक्षक माणिक बेद्रे, पोलीस निरीक्षक कुमार दराडे, पोलीस निरीक्षक बाबासाहेब काकडे, सपोउपनि संजय पस्तापुरे, पोह/लक्ष्मीकांत देशमुख, चंद्रकांत डांगे, पोना / मोहन सुरवसे, मपोना/ शिवकांता शेळके, पोकों / संतोष गिरी, शिवशंकर कच्छवे, आशिष क्षीरसागर, संदीप जाधव, दिपक कलवले, मपोका रुपाली भोसले, चापोना/ राजु महाजन यांनी पार पाडली आहे.
तरी सर्व नागरीकांना आवाहन करण्यात येते की, शासकीय अधिकारी/कर्मचारी हे शासकीय काम करण्यासाठी लाचेची मागणी करीत असल्यास तसेच त्यांचे लाचेच्या मागणी संदर्भात मोबाईल फोनवर अधिकारी / कर्मचारी (लोकसेवक) यांचे एसएमएस किंवा व्हिडीओ ऑडीओ क्लिप असल्यास, भ्रष्टाचार संबंधाने काही माहीती असल्यास किंवा शासकीय अधिकारी / कर्मचारी यांनी शासकीय निधीचा भ्रष्टाचार केला असेल तर खालील क्रमांकावर संपर्क करावा.
