बुधवार, डिसेंबर ०८, २०२१

भीषण अपघात : सिडीएस बिपिन रावत यांना घेऊन जाणारं लष्कराचं हेलिकॉप्टर क्रॅश;11 जणांचा मृत्यू

सीडीएस बिपिन रावत यांना घेऊन जाणारं लष्कराचं हेलिकॉप्टर क्रॅश, सोबत होते पत्नी सह 14 जण;11 जणांचा मृत्यू.

  • मिळालेल्या माहितीनुसार, खराब हवामानामुळे हा अपघात घडला. या हेलिकॉप्टरमध्ये चीफ ऑफ डिफेंस स्टाफ बिपिन रावत आणि त्यांची पत्नीही होती.
  • संरक्षणमंत्र्यांनी पंतप्रधानांना संपूर्ण घडामोडींची माहिती दिली असून मंत्रिमंडळाची बैठक बोलावण्यात आली आहे.
  • संरक्षण मंत्री राजनाथसिंह सिडीएस बिपिन रावत यांच्या घरी दाखल.

तामिळनाडू,दि.08 डिसेंबर 2021 : तामिळनाडूच्या कुन्नूरमध्ये लष्कराचे हेलिकॉप्टर क्रॅश झाले आहे. सांगण्यात येते, की सीडीएस बिपिन रावत आणि त्यांच्या पत्नीसह एकूण 14 जण या हेलिकॉप्टरमध्ये होते.जखमींना वेलिंग्टन बेसमध्ये उपचारासाठी नेण्यात आले होते.या अपघातात 3 जण जखमी झाल्याची माहिती होती.परंतु आताच मिळालेल्या माहितीनुसार 11 जणांचे मृतदेह बाहेर काढण्यात आले असल्याची माहिती पीटीआयने दिली आहे.हवाई दलाने अपघाताच्या चौकशीचे आदेश दिले आहेत.
खराब हवामानामुळे हा अपघात घडला आहे की हेलिकॉप्टरमध्ये बिघाड झाल्याने ही भीषण दुर्घटना घडली हे अद्याप स्पष्ट झालेले नाही.वायुदल प्रमुख दुर्घटने स्थळी रवाना झाले आहेत.दरम्यान, या घटनेवर संरक्षण मंत्री राजनाथ सिंह संसदेत निवेदन देणार आहेत.
तसेच,संरक्षणमंत्र्यांनी पंतप्रधानांना संपूर्ण घडामोडींची माहिती दिली असून मंत्रिमंडळाची बैठक बोलावण्यात आली आहे.

Mi-17V5 हेलिकॉप्टरमधील सर्व जखमींना अपघातस्थळावरून बाहेर काढण्यात आले आहे. सीडीएस रावत हे वेलिंग्टनमधील डिफेन्स स्टाफ कॉलेजमध्ये जात होते. जनरल रावत यांच्या प्रकृतीबाबत अद्याप कोणतीही माहिती मिळालेली नाही. या अपघाताच्या चौकशीचे आदेश देण्यात आल्याचे हवाई दलाने सांगितले. 
मिळालेल्या माहितीनुसार, स्टाफ कॉलेज वेलिंग्टनमध्ये सीडीएस बिपिन रावत यांचे दुपारी 2.45 वाजता व्याख्यान होते. ते दिल्लीहून सुलूर फिक्स्ड विंगमध्ये गेले. सुलूर ते वेलिंग्टन हे अंतर 53 किलोमीटर होते. त्याचवेळी कुन्नूर ते वेलिंग्टन हे अंतर केवळ तीन किलोमीटर होते आणि निलगिरीच्या जंगलात हेलिकॉप्टर लँडिंगपूर्वीच कोसळले.


 

at

कोणत्याही टिप्पण्‍या नाहीत:

टिप्पणी पोस्ट करा

बातमी विषयी आपण आपली टिप्पणी,अभिप्राय नोदवू शकता किंवा काही सूचना मांडू शकता