आयुक्त (कृषि)
कृषि आयुक्तालय, महाराष्ट्र राज्य, पुणे ०१
फोन नं. ०२०-२६१२७३०८, २६१२५६६२, फैक्स नं. ०२०-२६१३१०६४] [ email-cocopest@gmail.com
जा.क्र.गृनियो/गृनिः ७/८/कोविड/ 14507 /
२०२१, कृषि आयुक्तालय, महाराष्ट्र राज्य,
पुणे-४११००१,
दिनांक २७/०४/२०२१
प्रति,
जिल्हाधिकारी (सर्व) महाराष्ट्र राज्य
संदर्भ:-१. महाराष्ट्र शासन महसुल व वन विभाग आपत्ती व्यवस्थापन, मंत्रालय मुंबई ३२ यांचे आदेश क्र. DMU/२०२०/ CR.९३ / DISM/R दि.१३.०४.२०२१
२.महाराष्ट्र शासन महसूल व वन विभाग आपत्ती व्यवस्थापन, मंत्रालय मुंबई-३२ यांचे आदेश प्रा DMU/२०२०/ CR.९२/DISM/१ दि.२०.०३.२०२१)
३.महाराष्ट्र शासन कृषि व पद्म विभाग, मंत्रालय यांचे पत्र बैठक/३५२१/ -५६/२० दि.२३.०४.२०२१
४. महाराष्ट्र शासन कृषि व पदुम विभाग, मंत्रालय यांचे पत्र क्र. संकिर्ण / २७२१/प्रक्र ५८/१० दि. २३.०४.२०२१
उपरोक्त संदर्भीय विषयान्वये आपणास कळविण्यांत येते की,कोरोना विषाणुचा प्रादुर्भाव रोखण्यासाठी शासनाने ब्रेक द चेन या नावाने आदेश दिलेले आहेत. त्यामध्ये कृषिनिविष्ठा विषयक दुकाने सकाळी ७ ते ११ वाजेपर्यंत चालू ठेवण्यास परवानगी देण्यात आली आहे. तथापी, संदर्भ क्र ३ व ४ नुसार खरीप २०२१ च्या अनुषंगाने कृषि कार्यामध्ये समन्वय व बियाणे, खते, किटकनाशके व कृषि साहित्यांचा अडथळारहित पुरवठा या उपक्रमाबाबत प्राधान्याने अंमलबजावणी करण्यासाठी आवश्यक ते निर्देश आयुक्त (कृषि) स्तरावरुन देण्याबाबत सूचित करण्यात आले आहे.
शेतक-यांचे दृष्टीने खरीप हंगाम अत्यंत महत्वाचा असतो व पर्जन्यमानास सुरुवात झाल्यानंतर कृषिनिविष्ठा केंद्रावर खरेदीसाठी शेतक-यांची गर्दी होते. त्यामुळे अशा परिस्थितीत दुकाने सकाळी ७ ते ११ वा. या वेळेतच उघडी ठेवल्यास दुकानांवर गर्दी होवून फोवीड-१९ चा प्रसार वाढण्याच्या भितीबरोबरच अनावश्यक इतरही समस्या निर्माण होण्याची शक्यता आहे. या बाबींचा विचार करुन रायगड व सांगली जिल्हाधिकारी यांनी कृषिविषयक दुकाने उघडण्याच्या वेळेत शिथिलता दिलेली आहे. त्यामुळे शेतीशी निगडीत असलेली कृषि सेवा केंद्र चालु ठेवण्याबाबत व त्याच्याशी निगडित उत्पादन व वाहतुक चालू ठेवण्यास सकाळी ७ ते सायं. ०७ वाजेपर्यंत चालु ठेवणे, तसेच प्राप्त परिस्थितीत बांधावर निविष्ठा वाटप, इ-कॉमर्स (ऑनलाईन विक्री पध्दतीने कमीत कमी संपर्कात शेतक-यांना निविष्ठा उपलब्ध होतील, यादृष्टीने तसे आदेश आपले स्तरावरून स्थानिकरित्या निर्गमित व्हावेत.
धीरज कुमार (27/04)
आयुक्त (कृषि) कृषि आयुक्तालय,
महाराष्ट्र राज्य, पुणे-०१
प्रत,
१. मा. सचिव (कृषि) कृषि व पदुम विभाग, मंत्रालय मुंबई-३२ यांना माहितीस्तव सादर
२. जिल्हा अधिक्षक कृषि अधिकारी सर्व यांना आवश्यक त्या माहिती व कार्यवाहीस्तय
३. सर्व कृषि निविष्ठा उत्पादक व विक्रेते संघटना, महाराष्ट्र राज्य
कोणत्याही टिप्पण्या नाहीत:
टिप्पणी पोस्ट करा
बातमी विषयी आपण आपली टिप्पणी,अभिप्राय नोदवू शकता किंवा काही सूचना मांडू शकता