हा न्यायनिवाडा अवघ्या २२ व्या दिवशी लागल्याने अशा प्रकारचा निकाल राज्यात पहिलाच असल्याचे बोलल्या जात आहे. खऱ्या अर्थाने पिडीतेला न्याय मिळाल्याच्या भावना अनेकांच्या चेहऱ्यावर दिसुन येत होत्या
भोकर (दि. २३ मार्च) : ५ वर्षीय बालीकेवर पाशवी अत्याचार करुन तिची निर्घृन हत्या केलेल्या अमानुष घटनेचे सबंध महाराष्ट्रात तीव्र पडसाद उमटलेल्या गुन्ह्यातील आरोपी विरुद्धचा गुन्हा सिद्ध झाल्याने भोकर जिल्हा व अतिरीक्त सत्र न्यायालयाचे जिल्हा न्यायधीस मुजीब एस शेख यांनी फाशीची शिक्षा सुनावली आहे.
सदरील गंभीर गुन्ह्याचा खटला भोकर जिल्हा व अतिरिक्त सत्र न्यायालयात चालविण्यात आला होता.हा निर्णय ऐकण्यासाठी तालुक्यातील अनेकांनी भोकर न्यायालयात गर्दी केली होती,जलदगती न्यायालयाप्रमाणे सदरील गंभीर गुन्ह्याचा निकाल अवघ्या बावीस दिवसात दिल्याने पीडित मयत व कुटूंबियास न्याय मिळाला असल्याची प्रतिक्रिया जनसामान्यातून व्यक्त होत आहे.
दिवशी बु.ता.भोकर,जि.नांदेड येथील एका शेतक-याच्या ५ वर्षीय निष्पाप बालीकेवर अमानवीय,नैसर्गिक व अनैसर्गीक अत्याचार करुन तिची निर्घुन हत्या सालगड्याने केल्याची संतापजनक अमानुष घटना दि.२० जानेवारी २०२१ रोजी घडली होती.या प्रकरणी पिडीत मयत मुलीच्या वडीलांनी फिर्याद दिल्यावरुन मुलीस पळवून नेऊन अत्याचार करुन खून केल्याचा व बाल लैंगीक अत्याचार प्रतिबंधक कायदा (पोक्सो) नुसार आरोपी बाबूराव उखंडू सांगेराव उर्फ बाबूराव माळेगावकर(३५) रा.दिवशी बु.याच्या विरुद्ध भोकर पोलीस स्टेशन मध्ये गु.र.न.34/2021 कलम 363,302,376(अ),376(2)(जे)(एम),376(अब),377 भादवी व कलम 4,6,8,10,12 POCSO ACT नुसार गुन्हा दाखल करण्यात आला होता.तसेच भोकर पोलीसांनी आरोपीस त्याच दिवसी घटनास्थळावरुन सबळ पुराव्यानिशी अटक केली होती.
सबंध मानवतेला काळीमा फासणा-या त्या अमानुष अत्याचार व खूनाच्या घटनेने भोकर तालुक्यासह महाराष्ट्राचे मन पार हेलाऊन गेले होते.यामुळे सदरील आरोपीस कठोरातील कठोर शिक्षा देण्यात यावी व हा खटला जलदगती न्यायालयात चालविण्यात यावा अशी मागणी विविध स्तरातून होत होती.विविध पक्ष,सामाजिक संघटना,महिला संघटनांनी यास्तव मोर्चे,धरणे,रास्ता रोकोसह आदी आंदोलने केली होती.तर घटनेचे गांभीर्य लक्षात घेऊन भोकर उपविभागीय पोलीस अधिकारी गोपाळ रांजणकर यांच्या मार्गदर्शनाखाली पोलीस निरीक्षक विकास पाटील यांनी तपासचक्र गतीमान करुन सखोल तपासाअंती अवघ्या १९ दिवसात सदरील गुन्हाचे दोषारोपपत्र दि.१० फेब्रुवारी २०२१ रोजी भोकर जिल्हा व अतिरीक्त सत्र न्यायालयात दाखल केले. दि.१ मार्च २०२१ रोजी पासून न्यायालयात सदरील खटल्याची तपासणी सुरु झाली.दरम्यानच्या काळात न्यायालयाने १५ साक्षीदार तपासले.यात सरकारी वकील अॅड.रमेश राजुरकर व आरोपीचे वकील यांच्यात झालेल्या युक्तीवादाअंती आणि साक्षीदाराची साक्ष, घटनास्थळावरील सबळ पुरावे, वैद्यकीय अहवाल आदी आरोपी विरुद्ध गेले.यावरून आरोपी विरुध्दचा सर्व कलमांनुसारचा गुन्हा अखेर सिद्ध झाला होता.व आरोपीस न्यायालयाने बाजू मांडण्याची संधी दिली होती, एकूणच सर्व कलमानुसार सबळ पुराव्यानिशी गुन्हा सिद्ध झाल्याने जिल्हा न्यायाधीश मुजीब एस.शेख यांनी दि.२२ मार्च २०२१ रोजी उपरोक्त आरोपीस सर्व कलमानुसार कलम 363,302,376(अ),376(2)(जे)(एम),376(अब),377 भादवी व कलम 4,6,8,10,12 पोक्सो कायद्यानुसार आरोपीस दोषी धरुन फाशीच्या शिक्षेशिवाय पर्याय नाही म्हणून आरोपीस फाशीची शिक्षा सुनावली आहे.सरकारी वकिल ऍड. रमेश राजूरकर यांना फिर्यादी पक्षा तर्फे खटल्या दरम्यान न्यायालयिन कामकाजात ऍड.स्वप्नील कुलकर्णी व ऍड. सलीम यांनी सहकार्य केले आहे तर पैरवी अधिकारी म्हणवून पो.ना.फेरोज खान यांनी काम पाहिले आहे.
सबंध मानवतेला काळीमा फासणारी ती घटना असल्यामुळे सदरील गंभीर गुन्ह्यातील क्रुरकर्मी आरोपीचे वकीलपत्र न घेण्याचा निर्णय ॲड.बळवंत कुलकर्णी यांच्या अध्यक्षतेखाली भोकर अभिवक्ता संघाने घेतला होता.त्यामुळे येथील एकाही वकीलांने आरोपीचे वकीलपत्र घेतले नव्हते.म्हणून लिगल ऐड कायदा तरतुदीनुसार न्यायालयाने आरोपीस एक वकील दिला होता.या खटल्यातील ही एक विशेष बाब आहे.
असा गंभीर गुन्हा समाजात पुन्हा करण्याची हिम्मत करू नये म्हणून आशा क्रूरकर्मी आरोपीस फाशीची शिक्षा योग्यच आहे.एका पाच वर्षीय निष्पाप चिमुकलीवर अत्याचार करून तिची निर्घृण हत्या करणे हा प्रकार अमानवीय व पशुतुल्य आहे अशा गुन्हयातून आरोपीस शिक्षा कमी झालीतर समाजात पुन्हा क्रूरकर्मी गुन्हेगार वृती वाढते म्हणून असे आरोपी शिक्षेतून सुटू नयेत नाहीतर त्यांना मरेपर्यंत फाशीची शिक्षा अर्थातच कठोरात कठोर शिक्षा व्हायलाच पाहिजे.त्याच अनुषंगाने मयत पीडितेस कुटूंबियास न्यायमिळवून देण्याचा आम्ही व न्यायालयाने कायद्याचा सन्मान करत यथोचित प्रयत्न केला आहे. म्हणून ही दिलेली शिक्षा योग्यच याच बरोबर पीडितेच्या कुटूंबियास कायद्यानुसार भरीव आर्थिक मदत मिळावी अशी विनंती ही मा. न्यायालयास आम्ही केली आहे असेही सरकारी वकील अॅड. रमेश राजूरकर यांनी म्हटले आहे.
मा.जिल्हा व सत्र न्यायालय भोकर यांचे न्यायालयातील श्री एम.एस शेख यांचे न्याय निर्णय २२/०३/२०२१
न्यायलयीन आदेश:आदेश तारखेने शोधा
प्रकरण सूची ⁄ दैनिक प्रकरण सूची
✍️✍️✍️
संजय ब्रम्हानंद पा चिखले मरवाळीकर
7767912933
बातमी व जाहिरातीसाठी संपर्क साधावा.
सापळा कारवाई अहवाल स्पेशल ब्लॉग
👇ब्लॉग वरील सर्व बातम्या पाहण्यासाठी येथे क्लिक करा
कोणत्याही टिप्पण्या नाहीत:
टिप्पणी पोस्ट करा
बातमी विषयी आपण आपली टिप्पणी,अभिप्राय नोदवू शकता किंवा काही सूचना मांडू शकता