संपादक - संजय चिखले मरवाळीकर
सातारा,दि.०४ नोव्हेंबर २०२४: राज्यामध्ये प्रतिवर्षी सरदार वल्लभभाई पटेल यांच्या दिनांक ३१ ऑक्टोंबर या जन्मदिवसाचे औचित्य साधून एक आठवडा 'दक्षता जनजागृती सप्ताहाचे (Vigilance Awareness Week) आयोजन करण्यात येते. या वर्षी दिनांक २८/१०/२०२४ ते दिनांक ०३/११/२०२४ या दरम्यान केंद्रीय दक्षता आयोग व महाराष्ट्र शासनातर्फे राज्यभर दक्षता जनजागृती सप्ताह साजरा करण्यात आलेला आहे. यंदाच्या दक्षता जनजागृती सप्ताहाचे ब्रीदवाक्य' सत्यनिष्ठेच्या संस्कृतीच्या माध्यमातून राष्ट्र समृद्धी' हे ठेवण्यात आलेले आहे.
दिनांक २८/१०/२०२४ ते दिनांक ०३/११/२०२४ या कालावधीत दक्षता जनजागृती सप्ताहाचे अनुषंगाने सातारा जिल्हयातील सातारा, कराड, पाटण, जावली (मेढा), महाबळेश्वर, वाई, खंडाळा, माण, वडूज, लोणंद व फलटण या सर्व तालुक्यातील २७९ शासकीय कार्यालयाचे आवारात व जनजागृती होण्याकरीता टोल फ्रि क्रमांक १०६४ संबंधाने हॅण्डबिलचे वाटप केले. पोस्टर चिकटवले तसेच लोकांना लोकसेवका बद्दल लाच मागणीची तक्रार देण्याबाबत प्रोत्साहीत करण्यात आलेले आहे. सातारा जिल्ह्यातील सर्व नागरीकांची जनजागृती होणेकामी आकाशवाणी सातारा येथे दिनांक २९/१०/२०२४ रोजी निवेदन देण्यात आलेले होते त्याचे आकाशवाणी सातारा यांचेकडुन दिनांक ३१/१०/२०२४ रोजी ०९.३० वाजता प्रसारण करण्यात आले आहे. सातारा एस.टी. स्टॅन्ड वरील ध्वनिक्षेपकावरून सर्व प्रवासी नागरिकांना एकत्र करून दक्षता जनजागृती सप्ताहाचा उद्देश समजावून सांगुन मार्गदर्शन केले व आकाशवाणी सातारा येथुन प्रसारीत करण्यात आलेली मुलाखतीची क्लीप बसस्थानकावरील ध्वनीक्षेपकावरून प्रसारीत केली तसेच सदरची क्लीप ही सातारा जिल्ह्यातील सर्व बसस्थानकावर प्रसारीत करणेकामी आगार प्रमुख यांच्याशी संपर्क साधुन जिल्हयातील सर्व बसस्थानकावर मुलाखत प्रसारीत करून जास्तीत जास्त नागरीकांना तक्रारी देण्याबाबत प्रोत्साहीत केलेले आहे. सप्ताह यशस्वी करण्यासाठी पोलीस उपअधीक्षक श्री राजेश वाघमारे यांचेसह लाचलुचपत प्रतिबंधक विभागाचे अधिकारी व सहकारी यांनी परिश्रम घेतले.
१. टोल फ्री क्रमांक
१०६४,
२. अॅन्टी करप्शन ब्यूरो, सातारा दुरध्वनी क्रमांक ३ ०२१६२-२३८१३९.
. श्री. राजेश वाघमारे, पोलीस उप-अधीक्षक मोबा. क्रमांक-९५९४५३११००, ९७६३४०६५००,
३. ई-मेल आयडी
- dyspacbsatara@gmail.com
- dyspacbsatara@mahapolice.gov.in
४. संपर्कासाठी पत्ता
(राजेश वसंत वाघमारे)
पोलीस उप-अधीक्षक
लाचलुचपत प्रतिबंधक विभाग, सातारा
५२४ अ सदर बझार, जिल्हा न्यायालयासमोर, सातारा
