नवीन मतदार नोंदणी कार्यक्रम सुरू ! मतदार यादीत नाव नोंदविण्यासाठी ही आहे शेवटी तारीख...

 

• मतदार नोंदणी करण्यासाठी त्वरा करा.....

दिनांक ९ आॕगस्ट २०२१ पासून ते ३० सप्टेंबर २०२१ पर्यंत  नवीन मतदार नोंदणी कार्यक्रम सुरू झाला आहे.तरी १ जानेवारी२०२२ पर्यंत वय वर्षे १८ पूर्ण होणाऱ्या नवीन मतदारांनी खालील कागदपत्रांसह  मतदान केंद्रस्तरिय अधिकारी   [B L O] यांच्याकडे संपर्क साधावा.

🛑 नवीन मतदार नोंदणीसाठी कागदपत्रे

➡️ घरातील मुलगा/मुलगी यांच नाव मतदार यादीत नाव नोंदणीसाठी खालील कागदपत्रे आवश्यक आहेत.

१) जन्म पुरावा-शाळा सोडल्याचा दाखला किंवा बोनाफाईड सर्टिफिकेट

२) रहिवासी बाबत स्वयंघोषणा दाखला स्वत:च्या सहीचा

३) आधार कार्ड झेरॉक्स

४) २ पासपोर्ट साईज फोटो

५) घरातील नात्यातील(आई, वडील, भाऊ, बहीण)यांपैकी एकाचे ज्यांचे नाव अगोदर मतदार यादीत समाविष्ठ असेल तर त्यांच्या मतदान ओळखपत्राची झेरॉक्स

➡️ घरातील सुनबाईचे नाव मतदार यादीत समाविष्ट करण्यासाठी खालील कागदपत्रे आवश्यक आहेत.

१)जन्म पुरावा-शाळा सोडल्याचा दाखला/बोनाफाईड सर्टिफिकेट

२)रहिवासी बाबत स्वयंघोषणा दाखला स्वत:च्या सहीचा

३)२ पासपोर्ट साईज फोटो

४)माहेरच्या गावात मतदार यादीत नाव असेल तर ते नाव कमी केल्याचा दाखला.

५)माहेरच्या गावात मतदार यादीत नाव नसेल तर यादीत नाव नसल्याचा दाखला

६)पतीचे मतदार ओळखपत्र झेरॉक्स

७)लग्नपत्रिका किंवा विवाह नोंदणी दाखला

🔵संपर्क🔵

आपल्या गावातील वार्डनुसार बीएलओ

➡️ अंतिम मुदत - 30/09/2021

🔵  टीप - १ जानेवारी २०२२ ला आपले वय १८ वर्ष  पाहिजे असे सर्व स्त्री व पुरुष मतदार यादीत नाव समाविष्ट करण्यासाठी पात्र🔵

✍ मतदारांनी आपली नावे नोंदवून घ्यावीत

"चला मतदार होवू या,

 लोकशाही प्रबळ करु या"

e-Shram Card : असंघटित क्षेत्रातील कामगार ज्यांचा पीएफ कापला जात नसेल आणि ईएसआयसीचा लाभ मिळत नसेल तर त्वरीत मोफत ई-श्रम कार्ड काढून घ्या

 नवी दिल्ली : दि १३ सप्टेंबर २०२१ – e-Shram | जर तुम्ही असंघटित क्षेत्रात काम करणारे श्रमिक आहात आणि तुमचा पीएफ कापला जात नसेल आणि ईएसआयसीचा लाभ मिळत नसेल, तसेच तुमचे वय 16 वर्षापेक्षा जास्त आणि 60 वर्षापेक्षा कमी आहे आणि इन्कम टॅक्स भरत नसाल तर ताबडतोब e-Shram कार्डसाठी अप्लाय करा. यामुळे एक रुपये देखील खर्च न करता दोन लाख रुपयांचा दुर्घटना विमा मिळण्याचा अधिकार तुम्हाला मिळू शकतो. याशिवाय आणखी खुप फायदे आहेत.

नोंदणी करण्याचे ठिकाण
व्यक्ती स्वता आपली नोंदणी आपल्या मोबाईलवर करू शकते तसेच देशभरातील आपल्या जवळच्या कोणत्याही  कॉमन सर्व्हिस सेंटर (CSC Center), महा ई सेवा केंद्र (MAHA-E Seva Kendra),  ग्रामपंचायत कार्यालयामधील आपले सरकार सेवा केंद्राच्या संगणक परीचालकाकडे (डाटा एन्ट्री ऑपरेटर) देेेखील करु शकता. नोंदणीच्या नंतर व्यक्तीला युनिव्हर्सल अकाऊंट नंबरसह ई-श्रम कार्ड जारी होईल. रजिस्ट्रेशनसाठी सरकारने 14434 टोल फ्री नंबरसुद्धा ठेवला आहे, जिथे योजनेसंबंधी सर्व माहिती घेता येऊ शकते. या पोर्टलद्वारे राज्य सरकार सुद्धा आपल्या कामगारांचे रजिस्ट्रेशन करू शकतात.

27 लाख कामगारांनी केली नोंदणी

केंद्रीय कामगार आणि रोजगार मंत्रालयाच्या अंतर्गत असंघटित क्षेत्रातील 27 लाख कामगारांनी आतापर्यंत ’e-Shram’ पोर्टलवर नोंदणी केली आहे. केंद्रीय कामगार आणि रोजगार मंत्री रामेश्वर तेली यांनी गुरुवारी एका कार्यक्रमात म्हटले की, e-Shram पोर्टलवर असंघटित कामगारांच्या नोंदणीसाठी विविध शिबिरांचे आयोजन केले जात आहे. या पोर्टलचा जास्तीत जास्त प्रचार आणि पसार केला पाहिजे.

कशासाठी आहे ही योजना

केंद्रीय मंत्र्यांनी म्हटले की, सर्व असंघटित कामगारांचा एक राष्ट्रीय डेटाबेस तयार केल्याने सरकारला असंघटित कामगारांसाठी कल्याणकारी योजना आणि शेवटच्या स्तरापर्यंत वितरणावर लक्ष देण्यास मदत होईल.

रजिस्ट्रेशनमुळे कोणता फायदा होईल

केंद्रीय मंत्र्यांनी म्हटले की, 

– पोर्टलवर नोंदणी केल्याने दोन लाख रुपयांचा अपघात विमा मिळेल.

– जर कुणी कर्मचारी e-Shram पोर्टलवर नोंदणीकृत आहे आणि अपघातात त्याचा मृत्यू झाला किंवा स्थायी अपंगत्व आले तर त्याच्या कुटुंबियांना दोन लाख रुपये आणि अंशता अपंगत्व आल्यास एक लाख रुपये मिळतील.

– नोंदणी केल्यानंतर कामगारांना एक युनिक खाते क्रमांक प्रदान केला जाईल,
जो विशेष प्रकारे प्रवासी मजूरांसाठी सामाजिक सुरक्षा योजना,
रेशन कार्ड इत्यादीची पोर्टेबिलिटी सोपी बनवेल.