लोहारा,दि ८ जुलै २०२१ : तालुक्यातील मौजे अचलेर येथे बोगस व चुकीचे मनमानी काम करणाऱ्या मंडळ अधिकारी आणि तलाठी यांच्यावर कारवाई करा स्वाभिमानी शेतकरी संघटनेनी केली तहसीलदार यांच्याकडे निवेदनाद्वारे मागणी.
लोहारा तालुक्यातील मौजे अचलेर येथे शेतीचा बोगस पंचनामा करून शासनाचे व शेतकऱ्यांची फसवणूक करणारे येथील संबंधित मंडळ अधिकारी व तलाठी यांच्यावर कारवाई करावी अन्यथा आमरण उपोषण करण्याचा इशारा स्वाभिमानी शेतकरी संघटनेच्या वतीने निवेदनाद्वारे तहसीलदार यांना कळवले आहे.संबधित शेतकऱ्याचे बनावट सही करून शेतकरी पंचनामा करत असताना उपस्थित आहे असे दाखवले आहे. याप्रकरणी संबधित अधिकाऱ्याची चौकशी करून तात्काळ निलंबित करण्यात यावे.अन्यथा 15 ऑगस्ट पासून जिल्हा अधिकारी कार्यालया समोर स्वाभिमानी शेतकरी संघटनेच्या वतीने आमरण उपोषण करण्याचा इशारा देण्यात आला आहे.या निवेदनावर जिल्हा अध्यक्ष रवींद्र इंगळे यांची स्वाक्षरी आहे.
