नांदेड जिल्ह्यात गत 24 तासात सरासरी 29.2 मि.मी. पाऊस

 

• जिल्ह्यात गत 24 तासात सरासरी 29.2 मि.मी. पाऊस 

नांदेड,दि.23 जुलै :- जिल्ह्यात शुक्रवार 23 जुलै 2021 रोजी सकाळी 8 वा. संपलेल्या गत 24 तासात सरासरी 29.2 मिलीमीटर पावसाची नोंद झाली असून जिल्ह्यात एकुण 360.7 मिलीमीटर पाऊस झाला आहे. 

जिल्ह्यात शुक्रवार 23 जूलै रोजी सकाळी 8 वा. संपलेल्या गत 24 तासात झालेला पाऊस मिलीमीटरमध्ये तालुकानिहाय पुढील प्रमाणे, कंसात एकूण पाऊस : नांदेड- 29.6 (361.7), बिलोली- 60.3 (437.4), मुखेड- 14.4 (318.6), कंधार-17.1 (324.6), लोहा-25.7 (362.3), हदगाव-15.9 (311.4), भोकर- 20.3 (370.8), देगलूर-31 (330.7), किनवट- 21.9 (438), मुदखेड- 37.9 (397), हिमायतनगर-55.4 (373), माहूर- 3 (284), धर्माबाद- 87.7 (427.4), उमरी- 32.3 (398.7), अर्धापूर- 10.2 (378.9), नायगाव- 42.2 (352.5) मिलीमीटर आहे.

लाच प्रकरण : महा लाचखोर तहसिलदाराला 30,000 रुपयांची लाच स्वीकारताना एसीबीच्या पथकाने ताब्यात घेऊन गुन्हा दाखल केला

• 30 हजाराची लाच घेताना तहसीलदार अँटी करप्शनच्या जाळ्यात ; लाचखोरांमध्ये प्रचंड खळबळ

भंडारा, दि 23 जुलै 2021 : अवैध वाळू वाहतूक सुरु ठेवण्यासाठी 30 हजार रुपयांची लाच ( Bribe) स्विकारताना भंडारा जिल्ह्यातील (Bhandara district) मोहाडी तालुक्याचे तहसीलदार यांना लाचलुचपत प्रतिबंधक विभागाने सापळा (Anti Corruption Trap ) रचून अटक (arrest) केली. देविदास बोंबुर्डे (Devidas Bomburde) असे ला घेताना रंगेहाथ पकण्यात आलेल्या तहसीलदाराचे (Tehsildar) नाव आहे. एसीबीने केलेल्या या सापळा (Anti Corruption Trap) कारवाईमुळे तालुक्यात खळबळ उडाली आहे.

तक्रारदार हे वाळू व्यावसायिक असून त्यांच्याकडे असलेल्या 2 ट्रॅक्टरने अवैधरित्या वाळू वाहतूक सुरु आहे. ही वाहतूक सुरु ठेवण्यासाठी तहसीलदार देविदास बोंबुर्डे यांनी प्रति ट्रॅक्टर 15 हजार याप्रमाणे दोन ट्रॅक्टरचे 30 हजार रुपये हप्ता मागितला. तक्रारदार यांना लाच देणे मान्य नसल्याने त्यांनी भंडारा लाचलुचपत प्रतिबंधक विभागाकडे (anti corruption bureau) तक्रार दिली.

तक्रारदार यांच्या तक्रारीची शहानिशा करुन शुक्रवारी (दि. 23 ) सापळा रचून तहसीलदार यांना 30 हजार रुपयांची लाच घेताना रंगेहाथ पकडले.

आरोपी तहसीलदार विरुद्ध लाचलुचपत प्रतिबंधक कायद्यानुसार गुन्हा नोंदवण्यात आला आहे.

लाचलुचपत विभागाने एका बड्या अधिकाऱ्याला बेड्या ठोकल्याने जिल्ह्यातील इतर भ्रष्ट अधिकाऱ्यांचे धाबे दणाणले आहेत.

ब्रेकींग न्यूज : कोर्टात शपथ पत्र सादर न केल्याने मु.का.अ.वर्षा ठाकुरला 5000 ₹ चा दंड ! जिल्हा अंतर्गत बदली धोरणाची कोर्टात सुनावणी

📢📢📢 औरंगाबाद उच्च न्यायालय  वार्ता 📢📢📢

• कोर्टात शपथ पत्र सादर न केल्याने CEO NANDED यांना 5000₹ चा दंड..
•    जिल्हा अंतर्गत बदली धोरणाची कोर्टात सुनावणी

औरंगाबाद/नांदेड : आज दि.23/07/2021 रोजी जिल्हा अंतर्गत बदली धोरण शासन आदेश ग्राम विकास विभाग दि.07/04/2021 तसेच जिल्हा परिषद नांदेड यांनी घोषित केलेली (दि.28/04/2021रोजीची यादी) अवघड क्षेत्र यादी यासंदर्भातील आपले प्रकरण रिट याचिका बोर्डावर होते. सुनावणी दरम्यान कोर्टाला 

 मा.सुविध कुलकर्णी (वकील औरंगाबाद) यांनी कोर्टाला गेल्या तीन तारखांपासून ज़िल्हा परिषद यांचे वकील तारिक पुढे ढकलत आहेत व शपथ पत्र देखील दाखल करत नाही. त्यामुळे मा उच्च न्यायालय यांनी मुख्य कार्यकारी अधिकारी यांना रु 5,000/- दंड ठोठावला व पुढील तारखेस शपथपत्र दाखल करण्याचे आदेश दिले. 

पुढील सुनावणी 3 आठवडे नंतर ठेवली आहे.

   नांदेड जि.प.येथे अवघड क्षेत्राची यादी घोषित करत असताना निकषपात्र शाळा अवघड क्षेत्राच्या यादीतुन वगळण्यात आल्या वारंवार निवेदने व विनंती करूनही यादीत सुधारणा न केल्यामुळे किनवट-माहूर तालुक्यातील शिक्षकांनी कोर्टात याचिका दाखल केली होती.

ॲड सुविध कुलकर्णी

     औरंगाबाद.

रमेश बनकर व इतर

जि.प.नांदेड (याचिकाकर्ते)