राज्यातील अनाथांना मिळणार बीपीएल शिधापत्रिका – अन्न व नागरी पुरवठा मंत्री छगन भुजबळ

मुंबई, दि. २३ :- राज्यातील अनाथांना स्वतंत्र शिधापत्रिका मिळावी अशी मागणी अनेक वर्ष केली जात होती. याबाबत अन्न व नागरी पुरवठा व ग्राहक संरक्षण मंत्री छगन भुजबळ यांनी अनाथांना वयाच्या २८ वर्षापर्यंत तात्पुरती पिवळी (बीपीएल) शिधापत्रिका वितरण करण्याबाबतचा निर्णय प्राधान्य कुटुंब योजनेंतर्गत घेतला आहे.

राज्यातील २८ वर्षापर्यंतच्या अनाथांना बीपीएल शिधापत्रिकेबरोबर त्याचे लाभ मिळतील व २८ वर्षावरील अनाथांना उत्पन्नाप्रमाणे शिधापत्रिका मिळेल व त्याप्रमाणे त्याचे लाभ देण्यात येतील. या निर्णयामुळे राज्यातील अनाथ मुलांना मोठा आधार होणार असल्याचे श्री.भुजबळ यांनी सांगितले. कोरोनाकाळात अनेक मुलांच्या पालकांचे मृत्यू झाल्यामुळे ते अनाथ झाले आहेत अशा मुलांना या निर्णयाचा मोठा फायदा होणार असल्याचे श्री.भुजबळ यांनी सांगितले.

राज्य सरकारने हा निर्णय घेतल्यानंतर शिधापत्रिका मिळवताना कागदपत्रांचा अडथळा निर्माण होऊ नये यासाठी अनाथ असल्याचा पुरावा म्हणून महिला व बालविकास विभागाने वितरित केलेले अनाथ प्रमाणपत्र किंवा आई व वडील यांचे मृत्यू प्रमाणपत्र यापैकी कोणताही एक पुरावा ग्राह्य धरण्यात येणार असल्याचे माहिती देखील श्री.भुजबळ यांनी दिली. अनाथांना सामाजिक, शैक्षणिक आणि आर्थिकदृष्ट्या सक्षम बनवण्यासाठी शासन कटीबद्ध असल्याची भावना देखील श्री.भुजबळ यांनी व्यक्त केली.

Tags: अनाथ बीपीएल

ग्रामपंचायतींना पथदिवे, पाणीपुरवठा योजनांची देयके पंधराव्या वित्त आयोगाच्या अनुदानातून अदा करण्यास मान्यता – ग्रामविकास मंत्री हसन मुश्रीफ यांची माहिती

मुंबई, दि.२३ : राज्यातील ग्रामपंचायतींना त्यांची पथदिव्यांची तसेच पाणीपुरवठा योजनांची देयके पंधराव्या वित्त आयोगाच्या अनुदानातून अदा करण्यास मान्यता देण्यात आल्याची माहिती ग्रामविकास मंत्री हसन मुश्रीफ यांनी दिली.

राज्यात सध्या कोरोना परिस्थितीमुळे ग्रामीण भागात अडचणी निर्माण झाल्या आहेत. अनेक ठिकाणी पथदिव्यांची तसेच पाणीपुरवठा योजनांची देयके अदा न झाल्याने बिकट परिस्थिती निर्माण झाली आहे. त्यामुळे सद्य परिस्थिती पाहता पंधराव्या वित्त आयोगाच्या अबंधित (Untied) अनुदानातुन पथदिव्याची देयके आणि बंधित (Tied) अनुदानातुन पाणीपुरवठा योजनांची देयके अदा करण्यासाठी जारी करण्यात आलेल्या शासन परिपत्रकान्वये मान्यता देण्यात आली आहे. ग्रामपंचायतीने त्यांना प्राप्त झालेल्या पंधराव्या वित्त आयोगाच्या निधीतून पथदिव्याची आणि पाणीपुरवठा योजनांची देयके अदा करावयाची आहेत. या निर्णयामुळे ग्रामपंचायतींना मोठा दिलासा मिळणार असून देयकांच्या पूर्ततेअभावी कोणत्याही गावात पथदिव्यांची वीज किंवा पाणीपुरवठा योजना खंडीत होणार नाही, असे मंत्री श्री. मुश्रीफ यांनी सांगितले.

८० टक्के निधी थेट ग्रामपंचायतींना

राज्यामधील ग्रामपंचायती, पंचायत समित्या व जिल्हा परिषदांना अनुक्रमे 80:10:10 प्रमाणे पंधराव्या वित्त आयोगाचा निधी वितरित करण्याचा निर्णय ग्रामविकास विभागाने घेतला आहे. या निधीतील सर्वाधिक 80 टक्के भाग थेट ग्रामपंचायतींना मिळत आहे.त्यामुळे गावांच्या विकासामध्ये ग्रामपंचायतींचा सहभाग वाढला आहे. उर्वरित निधीपैकी 10 टक्के निधी हा जिल्हा परिषदेस तर 10 टक्के निधी हा पंचायत समित्यांना मिळत आहे, असे मंत्री श्री. मुश्रीफ यांनी सांगितले.

Tags: ग्रामपंचायत पथदिवे, पाणीपुरवठा योजना विजबिल

ग्रामपंचायतींना पथदिवे, पाणीपुरवठा योजनांची देयके पंधराव्या वित्त आयोगाच्या अनुदानातून अदा करण्यास मान्यता – ग्रामविकास मंत्री हसन मुश्रीफ यांची माहिती

महा लाचखोर महिला फौजदाराच्या लाचखोर पतीसह लाचखोर पोलीस हवालदाराला एसीबीच्या पथकाने रंगेहात पकडून घेतले ताब्यात ; महिला फौजदाराच्या लाचखोर पत्नी विरुद्ध तिच्याच पोलीस स्टेशनमध्ये लाचखोरीचा गुन्हा दाखल

• लाच जमा करण्यासाठी फौजदार पत्नीच्या पदाचा सुशिक्षित बेकार पती घेत होता फायदा
• लाचखोर महिला पत्नीची सुशिक्षित बेकार पतीला फौजदार पत्नीची मुकसंमती होती का?
• लाचखोर महिला फौजदाराच्या पदाचा तिचा पती फायदा घेतल्याबद्दल महिला फौजदार सह आरोपी होणार का?
• मुकसम्मती नसेल तर लाचखोर सुशिक्षित बेकार पतीमुळे मनस्ताप झाल्याबद्दल सोडचिठ्ठी देणार का?

सातारा/औंध : औंध पोलिस ठाण्यात दाखल असलेल्या पोक्सोसारख्या संवेदनशील व गंभीर गुन्ह्यात मदत करण्यासाठी 1 लाख 50 हजार रुपयांची लाच मागून त्यातील रोख 50 हजार रुपये घेणार्‍यास सातारा लाचलुचपत प्रतिबंधक विभागाच्या पथकाने (एसीबी) रंगेहाथ कारवाई केली. या प्रकरणी दोघांना अटक करण्यात आली असून,यामध्ये औंध पोलिस ठाण्याच्या महिला फौजदाराच्या पतीचा व एका पोलिस हवालदाराचा समावेश असल्याने पोलिस दलात खळबळ उडाली आहे.

चंद्रकांत दादासाहेब शिंदे (वय 34, रा.गुरसाळे ता.खटाव) असे पोलिस हवालदाराचे नाव आहे.तर,सुशांत सुरेश वरुडे (35, मूळ रा. विटा, जि. सांगली सध्या रा. औंध) असे फौजदार पतीचे नाव आहे. याबाबत अधिक माहिती अशी,या प्रकरणातील तक्रारदार यांच्या भावावर औंध पोलिस ठाण्यात बाल लैंगिक अत्याचाराचा (पोक्सो) गुन्हा दाखल झालेला आहे.भावाला या गुन्ह्यात मदत व्हावी व तक्रारदार याला त्याप्रकरणात सहआरोपी करू नये. यासाठी तो पोलिस हवालदार चंद्रकांत शिंदे व सुशांत वरुडे याला भेटला.यावेळी सुशांत वरुडे याने शिंदे याच्या सांगण्यावरून 1 लाख 50 हजार रुपयांच्या लाचेची मागणी केली.पैसे दिले तर सहकार्य करू,असे वरुडे याने सांगितले. मोठ्या रकमेच्या लाचेची मागणी झाल्यानंतर तक्रारदाराने सातारा एसीबीकडे तक्रार केली.

तक्रार दाखल झाल्यानंतर पोलिस उपअधीक्षक अशोक शिर्के यांच्या मार्गदर्शनाखाली पोनि अविनाश जगातप, पोनि अरिफा मुल्‍ला यांनी सोमवारी सापळा लावला.एसीबीने पडताळणी केली असता दीड लाख रुपयांच्या लाचेची मागणी झाल्याचे स्पष्ट झाले.तडजोडीअंती 50 हजार रुपये घेण्याचे ठरले.पैसे देण्यासाठी जागा व वेळ निश्‍चित झाल्यानंतर फौजदारच्या पतीने लाचेची रक्‍कम स्वीकारली.रक्‍कम स्वीकारताच एसीबी विभागाच्या पथकाने त्याला रंगेहाथ ताब्यात घेतले.

एसीबी विभागाने संशयित सुशांत वरुडे याच्याकडे प्राथमिक चौकशीला सुरुवात केल्यानंतर त्याने पोलिस हवालदार चंद्रकांत शिंदे याचे नाव घेतले.एसीबी विभागाने तात्काळ त्याला ताब्यात घेतले. एसीबीने प्राथमिक कारवाईची प्रक्रिया पूर्ण केल्यानंतर संशयित दोघांवर औंध पोलिस ठाण्यात भ्रष्टाचार अधिनियम अंतर्गत गुन्हा दाखल केला. गुन्हा दाखल झाल्यानंतर रात्री उशीरा दोन्ही संशयितांना अटक केली. पोक्सो सारख्या संवेदनशील गुन्ह्यात लाचेची मागणी झाल्याने जिल्ह्यासह राज्यात खळबळ उडाली आहे. 

लाचखोर महिला फौजदाराकडेच होता गुन्ह्याचा तपास...

पोक्सो अंतर्गत तीन दिवसांपूर्वी औंध पोलिस ठाण्यात गुन्हा दाखल झाल्यानंतर याचा तपास महिला फौजदार स्नेहल सोमदे   हिच्याकडे देण्यात आला.गुन्हा दाखल झाल्यानंतर संशयित आरोपीला पोलिसांनी अटक केली. गुन्ह्याचा तपास सुरू असताना मात्र दुसरीकडे काही नाट्यमय घडामोडी सुरू होत्या. यासाठी फौजदार पती व पोलिस हवालदार जुंपले गेले. ‘फोनाफोनी’ व ‘भेटाभेटी’ झाल्यानंतर ‘देवाणघेवाणी’चा विषय सुरू झाला. अखेर तक्रारदार यांनी एसीबीकडे धाव घेतल्यानंतर या प्रकरणाचा भांडाफोड झाला. 

सातारा शहरासह जिल्ह्यात कुठेही लाचेची मागणी झाल्यास 1064 या टोल फ्री क्रमांकावर संपर्क करण्याचे आवाहन लाचलुचपत प्रतिबंधक विभाग सातारा यांच्या कडून करण्यात आले आहे.