आ. रावसाहेब अंतापूरकर यांचे रात्री ११:२० वा.मुंबई येथे निधन; माझे निकटचे सहकारी होते – अशोक चव्हाण यांनी वाहिली श्रद्धांजली

देगलूर दि 10 : देगलूर-बिलोलीचे आमदार, तथा मातंग समाजाचे नेते रावसाहेब अंतापूरकर यांचे बाॅम्बे हाॅस्पिटल, मुंबई येथे राञी ११:२० वा. दुःखद निधन झाले आहे, तरी त्यांची अंत्ययात्रा त्यांचे गाव अंतापूर ता.देगलूर जि.नांदेड येथे आज सायंकाळी ४ वा. होईल अशी बातमी मारोती वाडेकर यांनी मुंबईहुन फोनद्वारे कळवली आहे.

देगलूर- बिलोली मतदार संघाचे आमदार रावसाहेब जयवंतराव अंतापूरकर (वय 63 वर्ष) यांचे आज मुंबई येथे उपचारादरम्यान निधन झाले. त्यांना 25 दिवसांपूर्वी कोरोनाचा संसर्ग झाला होता. आमदार अंतापूरकर हे 25 दिवसांपूर्वी कोरोनाबधित झाले होते. तेव्हा स्वतः त्यांनी जनतेला काळजी घेण्याचे आवाहन केले होते. नांदेड येथील भगवती रुग्णालयात 3 दिवस उपचार घेतल्यानंतर पुढील उपचारासाठी त्यांना मुंबई येथील बॉम्बे हॉस्पिटल येथे अॅडमिट केले होते. मागील 8 दिवसापासून ते अत्यवस्थ होते. प्रकृती चिंताजनक होती.

अशातच त्यांचा कोरोना संसर्गामुळे मृत्यू झाल्यामुळे एक हळव्या मनाचा आमदार आपल्यापासून हिरावला गेल्याची भावना नागरिक व्यक्त करत आहेत. आमदार अंतापूरकर यांच्या पश्चात पत्नी, दोन मुली, एक मुलगा, जावई, नातवंडे असा मोठा परिवार आहे.